Osmanabad: ऐन नवरात्रोत्सवात तुळजाभवानीच्या दर्शनासाठी आलेल्या भाविकांवर काळाचा घाला

कैलास चौधरी -

उस्मानाबाद: उस्मानाबाद जिल्ह्यात (Osmanabad District) काल वेगवेगळ्या अपघातांमध्ये दोघांचा मृत्यू झाल्याची घटना घडली आहे. तुळजाभवानी देवीचे दर्शन घेऊन दुचाकीवरून सोलापूरकडे जात असताना बसने (ST Bus) पाठीमागून जोराची धडक दिल्यामुळे दुचाकीवरील एका भाविकाचा जागीच मृत्यू झाल्याची दुर्दैवी घटना घडली आहे.

तर या अपघातात (Accident) दोघे जण जखमी झाल्याची घटना सोलापूर-धुळे राष्ट्रीय महामार्गावरील मराठवाड्याच्या सरहद्दीवर घडली आहे. लातूर जिल्ह्यातील सारोळा येथील दाम्पत्य व मुलगा असे तिघे जण दुचाकीवरून श्री तुळजाभवानी देवीचे दर्शन घेण्यासाठी आले होते. (Solapur-Dhule National Highway)

पाहा व्हिडीओ -

देवीचे दर्शन घेऊन सोलापूरच्या दिशेने निघाले दरम्यान रस्ता ओलांडताना पंढरपूर लातूर या बसने पाठीमागून जोराची धडक दिल्याने या भीषण अपघातात (Accident) दुचाकीवरील योगेश संतोष बेलारे यांचा जागीच मृत्यू झाला. तर आई-वडील असे दोघे गंभीर जखमी झाले.

तर दुसरा अपघात हा नळदुर्ग तुळजापूर महामार्गावर घडला तुळजापूरकडून नळदुर्गकडे जाणाऱ्या ट्रकने रिक्षाला समोरून धडक दिल्याने रिक्षाचालकाचा जागीच मृत्यू झाला आहे. या दोन्ही घटनाची नोंद नळदुर्ग व तामलवाडी पोलीस ठाण्यात करण्यात आली आहे.