अकोला महापालिकेवर सत्ता स्थापन करायचीच; राष्ट्रवादीचा निर्धार

अकोला : राज्याचे अन्न व औषध प्रशासन मंत्री तथा बुलढाणा जिल्ह्याचे पालकमंत्री मंत्री राजेंद्र शिंगणे (Rajendra Shingane) यांच्या प्रमुख उपस्थितीत आणि राष्ट्रवादीचे आमदार अमोल मिटकरी यांच्या पुढाकाराने अकोला जिल्ह्यातील अनेक सरपंच अन् माजी सरपंचासह कार्यकर्त्यांनी राष्ट्रवादी काँग्रेसमध्ये (NCP) जाहीर प्रवेश केला आहे.

मागील अनेक दिवसांपासून स्थानिक पातळीपर्यंत विस्तारण्याचा राष्ट्रवादीकडून प्रयत्न केला जात आहे. अकोल्यात स्थानिक पातळीवर राष्ट्रवादीमध्ये मोठ्या संख्येने पक्ष प्रवेळा सुरु झाल्याचं आमदार अमोल मिटकरी (Amol Mitkari) यांनी म्हंटलं. दरम्यान, आज अकोला शहरातील अनेक युवकांनी राष्ट्रवादीमध्ये जाहीर प्रवेश केला.

हे देखील पाहा -

या पक्षप्रवेश सोहळ्यात जिल्ह्यातील जऊळखेडचे सरपंच निपाणी, पळसोदचे सरपंच विजय पाटकर, विष्णू किरडे (करतवाडी), मंगेश ताडे (टाकळी), पुरुषोत्तम गीते (दिनोडा), प्रवीण थोरात (पातोंडा), निजिममुद्दीन (पंचगव्हाण), श्रद्धा काठाळे (गांधीग्राम), महादेव सोळंके (कावसा) यांच्या अनेक सरपंच आणि उपसरपंच, कार्यकर्ते तसेच माजी सरपंच, ग्रामपंचायत सदस्यांनी राष्ट्रवादीमध्ये प्रवेश केला.

या दरम्यांन, राजेंद्र शिंगणेंनी जिल्ह्यातील बूथ कमिट्या सक्षम करण्याचे आवाहन केले असून अकोला महापालिका आणि जिल्हा परिषदेवर आपली सत्ता स्थापन झाली पाहिजे, तयारीला लागा, असेहि त्यांनी उपस्थित कार्यकर्त्यांना आवाहन केलं आहे.

Edited By - Jagdish Patil