Video: खासदार नवनीत राणांनी बाप्पाच्या मुर्तीसोबत काय केलं पाहा; शिवसेना नेत्या म्हणाल्या, हेच का यांचं हिंदुत्व?

अमर घटारे, अमरावती

अमरावती: गेले ११ दिवस अवघ्या देशाने बाप्पाची मनोभावे सेवा केल्यानंतर बाप्पाला निरोप दिला. गणपती विसर्जनाच्या दिवशी बाप्पाला निरोप देताना अनेकांचे डोळे पाणावले. गणेश विसर्जन करताना मुर्तीचे पावित्र्य राखण्यासाठी योग्य त्या पद्धताने सन्मानपुर्वक बाप्पाचे विसर्जन करण्यात येते. पण, अमरावतीच्या खासदार नवनीत राणा (Navneet Rana) यांनी गणेश मुर्तीचे ज्या क्रुरपणे विसर्जन केले त्यामुळे त्यांच्यावर राज्यभरातून टीका केली आहे. व्हायरल व्हिडिओमध्ये नवनीत राणांची गणेश मुर्तीला गढूळ पाण्यात फेकून देत विसर्जन केले आहे. त्यामुळे विसर्जनाची ही कुठली पद्धत? असा सवाल उपस्थित केला जात आहे. याबाबत शिवसेनेच्या प्रवक्त्या मनिषा कायंदे यांनी ट्विट करत "हेच तुमचं हिंदुत्व" अशी बोचरी टीका केली आहे. (Navneet Rana Ganesh Visarjan Video)

अमरावतीच्या खासदार नवनीत राणा यांनी पोलीस ठाण्यात पोलीस अधिकाऱ्यांसोबत केलेल्या राड्यामुळे त्या आधीच वादात सापडल्या आहेत. पोलीस पत्नी वर्षा भोयर यांनी नवनीत राणांविरोधात गुन्हे दाखल करण्यासाठी आंदोलन केलं आणि कारवाईसाठी पोलिस पत्नी आक्रमक झाल्यात हाच वाद संपला नसला तरी पुन्हा एका नवीन धार्मिक वादात नवनीत राणा यांना ट्रोल केलं जातं असून त्यांच्यावर आरोप आणि टीका केली जात आहे.

९ तारखेला डोक्यावर आपल्या घरचा गणपती घेऊन त्यांनी अमरावती येथील छत्री तलावात विसर्जन केला. मात्र गणपती विसर्जनाची पद्धत चुकीची असल्याचा आरोप होत आहे. गणपती विसर्जन करतांना त्यांनी गणपती चक्क क्रूरपणे गढूळ पाण्यात फेकला. यामुळे गणपतीचा त्यांनी अवमान केल्याचा आरोप होत आहे. त्यामुळे गणपती विसर्जनाचा हा नवा वाद पुढं आल्यामुळे पुन्हा नवनीत राणा यांच्या सर्वत्र टीका होत असून त्यांना सोशल मीडियावर ट्रोल केलं जात आहे.

Edited By - Akshay Baisane