Nashik : व्यापाऱ्याकडे कोट्यवधी रुपयांची थकबाकी; उमराणे बाजार समितीमध्ये कांदा उत्पादक आक्रमक

Nashik News : पैसे मागण्यास गेलेल्या शेतकऱ्यांना अरेरावी, शिवीगाळ सारखे प्रकार सुरू होते. अनेकांना मयत व्यापाऱ्यांच्या सहीने बंद असलेल्या बँक खात्याचे धनादेश देत कांदा उत्पादक शेतकऱ्यांची फसवणूक करण्यात आली
Nashik News
Nashik NewsSaam tv
Published On

अजय सोनवणे 
नाशिक
: नाशिकच्या उमराणे येथील श्री रामेश्वर खासगी उत्पन्न बाजार समितीमध्ये कांदा व्यापाऱ्यांकडे शेतकऱ्यांनी कांदा विक्री केला. मात्र या कांद्याची रक्कम शेतकऱ्यांना मिळाली नाही. यामुळे बाकी असलेल्या कोट्यवधी रुपयांच्या थकबाकीची रक्कम मिळावी; या मागणीसाठी संतप्त कांदा उत्पादक शेतकरी संतप्त झाले होते. तर शेतकऱ्यांनी या ठिकाणी घेराव घालत ठिय्या आंदोलन केले. 

कांदा उत्पादक शेतकऱ्यांनी उमराणे येथील खासगी बाजार समितीमध्ये कांदा विक्री केला. मात्र व्यापाऱ्यांनी शेतकऱ्यांना कांद्याची रक्कम दिली नाही. यामुळे कांदा उत्पादकांचे कोट्यवधी रुपयांचे घेणे असताना कांदा व्यापाऱ्यांकडून पैसे मागण्यास गेलेल्या शेतकऱ्यांना अरेरावी, शिवीगाळ सारखे प्रकार सुरू होते. अनेकांना मयत व्यापाऱ्यांच्या सहीने बंद असलेल्या बँक खात्याचे धनादेश देत कांदा उत्पादक शेतकऱ्यांची फसवणूक करण्यात आली.

Nashik News
Crime News : चाळीसगाव हादरले; पत्नीच्या चारित्र्याच्या संशयातून पतीचे भयानक कृत्य, भावाला फोन करत दिली माहिती, स्वतःही संपविले जीवन

संतप्त शेतकरी पोहचले बाजार समितीत 

वारंवार मागणी करूनही पैसे मिळत नसल्याने कांदा उत्पादकांना मोठ्या अडचणींचा सामना करावा लागत होता. दरम्यान पणन विभागाच्या उपसंचालक अलका पवार यांच्या अध्यक्षतेखाली पणन विभागाची एक समिती रामेश्वर बाजार समितीला भेट देणार असल्याची माहिती शेतकऱ्यांना मिळाली होती. यानंतर व्यापाऱ्यांकडे घेणे असलेल्या शेकडो कांदा उत्पादक शेतकऱ्यांनी रामेश्वर मार्केट कार्यालयात पोहचले. 

Nashik News
Nandurbar Zp School : जिल्हा परिषद शाळा भरते पत्र्याचे शेड असलेल्या झोपडीत; शहादा तालुक्यातील भयानक वास्तव

कार्यालयासमोर ठिय्या आंदोलन 

संतप्त शेतकऱ्यांनी मार्केट कार्यालयासमोर गर्दी करीत ठिय्या आंदोलन केले. यावेळी काही काळ तणाव निर्माण झाला होता. तसेच यावेळी पणन विभागाच्या समितीसमोर कांदा व्यापाऱ्यांनी आपली कैफियत मांडली. तर शेतकऱ्यांच्या पावत्या व थकबाकी माहिती घेऊन थकबाकी असलेल्या कांदा उत्पादकांना कांद्याचे पैसे देण्याची कार्यवाही करण्याचे आश्वासन देण्यात आले.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com