Nashik Crime News Son in law killed her brother in law Nandgaon anand nagar area shocking incident
Nashik Crime News Son in law killed her brother in law Nandgaon anand nagar area shocking incidentSaam TV

Nashik Crime: कौटुंबिक वाद विकोपाला! दाजीने हातोडीने वार करत मेहुण्याला संपवलं; धक्कादायक घटनेनं खळबळ

Nashik Crime News: मेहुणा दारू पिऊन आपल्या आई-वडिलांना त्रास देत असल्याच्या रागातून एका दाजीने त्याची हातोडीने वार करत हत्या केली आहे.

अजय सोनवणे, साम टीव्ही

Nashik Crime News: गेल्या काही दिवसांपासून राज्यात गुन्हेगारीच्या घटनेत मोठी वाढ झाली आहे. किरकोळ कारणावरून अनेक ठिकाणी गंभीर गुन्ह्यांची नोंद होत आहे. अशातच नाशिक जिल्ह्यातून एक धक्कादायक घटना समोर आली आहे. मेहुणा दारू पिऊन आपल्या आई-वडिलांना त्रास देत असल्याच्या रागातून एका दाजीने त्याची हातोडीने वार करत हत्या केली आहे.  (Breaking Marathi News)

नाशिकच्या नांदगावमधील आनंदनगर परिसरात ही धक्कादायक घटना घडली आहे. वाल्मिक राठोड असं मृत्युमुखी पडलेल्या तरुणाचं नाव असून याप्रकरणी पोलिसांनी तातडीने तपासाची चक्रे फिरवत ईश्वर ठाकूर यास ताब्यात घेतलं आहे. या घटनेनं परिसरात मोठी खळबळ उडाली आहे.

Nashik Crime News Son in law killed her brother in law Nandgaon anand nagar area shocking incident
Crime News: लग्नानंतर नवरा नोकरीसाठी शहराबाहेर गेला; बायको पडली दिराच्या प्रेमात, त्यानंतर...

मिळालेल्या माहितीनुसार, वाल्मिक राठोड या तरुणास (Nashik News) दारूचे व्यसन होते. तो नेहमी दारू पिऊन घरी आई वडिलांना त्रास देत होता. यामुळे वाल्मिकची बहिण आणि त्याचे दाजी कायम टेन्शनमध्ये असायचे. दोघांनी अनेकदा त्याला दारू न पिण्याचा सल्ला दिला. परंतू वाल्मिकने तिचे ऐकले नाही.

दरम्यान, बुधवारी (१७ मे) वाल्मिक पुन्हा घरी दारू पिऊन आला. त्याने नेहमीप्रमाणे आई-वडिलांना त्रास (Crime News) देण्यास सुरूवात केली. याची माहिती वाल्मिकच्या दाजीला कळाली. मेहुणा सांगून सुद्धा आपलं ऐकत नसल्याने ईश्वर ठाकूर यांना राग अनावर झाला.

Nashik Crime News Son in law killed her brother in law Nandgaon anand nagar area shocking incident
Crime News: इथल्या महिलांसोबत घडतंय भयंकर; पोस्टानं पाठवली जाताहेत वापरलेले कंडोम, नेमकं काय आहे प्रकरण

ईश्वरने तातडीने वाल्मिकचे घर गाठले आणि त्याला मारहाण करण्यास सुरूवात केली. यादरम्यान दोघांमध्ये चांगलीच झटापट झाली. यात ईश्वरने घरात पडलेली हातोडी उचलली आणि थेट वाल्मिकच्या हातावर आणि पायावर वार केले. यातील एक वार वाल्मिकच्या डोक्यात लागल्याने त्याचा जागीच मृत्यू झाला.

दरम्यान, या घटनेची माहिती मिळताच नांदगाव पोलिसांनी (Police) तातडीने घटनास्थळी धाव घेतली. पोलिसांनी मृत वाल्मिकचा मृतदेह ताब्यात घेऊन शवविच्छेदनासाठी पाठवला. तर गुन्ह्यातील आरोपी ईश्वर ठाकूर याला ताब्यात घेतले. कौटुंबिक वादातून दाजीनेच मेव्हण्याची हत्या केल्याने परिसरात मोठी खळबळ उडाली आहे. या घटनेचा अधिक तपास पोलिस करीत आहेत.

Edited by - Satish Daud

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com