Nandurbar News : नंदुरबारला पाणीपुरवठा करणाऱ्या वीरचक्र धरणाची पाणी पातळीत चार मीटरने वाढ

सागर निकवाडे 

नंदुरबार : नंदुरबार तालुका आणि शहर परिसरात दिवसापासून सुरू असलेल्या दमदार पावसामुळे समाधान व्यक्त केले जात असून नदी नाले प्रवाहित झाले आहेत. त्यामुळे तालुक्यातील धरणांच्या पाणी पातळीत वाढ होण्यास सुरुवात झाली आहे. नंदुरबार शहराला पाणी पुरवठा करणाऱ्या वीरचक्र धरणात पाणीसाठा चार मीटरने वाढला असून धरण्यात आता २९ टक्के पाणीसाठा झाला आहे.  

नंदुरबार (Nandurbar News) जिल्ह्यात मागील तीन- चार दिवसांपासून पावसाची संततधार सुरु आहे. यामुळे नदी- नाल्यांना पाणी आले आहे. परिणामी जिल्ह्यातील बहुतांश धरणातील पाणी साठ्यात देखील वाढ होत असल्याचे पाहण्यास मिळत आहे. दमदार पावसामुळे (Rain) नदी नाले प्रवाहित झाल्याने धरणातील पाणीसाठा आणखीन लवकरच वाढेल असा अंदाज व्यक्त केला जात आहे. तर दुसरीकडे दमदार पावसाने हजेरी लावल्याने विहिरी आणि बोरवेलच्याही पाणी पातळीत वाढ झाली आहे.

नंदुरबारचा पाणी प्रश्न मिटला 

नंदुरबार शहरवासियांना पाणी टंचाईचा सामना करावा लागत होता. शहरात सध्या पाच दिवसांआड पाणी पुरवठा केला जात होता. मात्र शहर व परिसरात मागील काही दिवसांपासून चांगला पाऊस होत असल्याने शहराला पाणी पुरवठा करणाऱ्या वीरचक्र धरणाच्या पाणी साठ्यात वाढ झाली आहे. यामुळे शहरातील पाणी [प्रश्न आता मिटणार आहे.