भीषण अपघात..कंटनेर, कारची धडक; तीन जण ठार

नंदुरबार : निझर रस्त्यावर रात्री एकच्या सुमारास कंटनेर आणि अर्टीगा गाडीचा भीषण अपघात झाला. या अपघातात (Accident) तीघांचा जागीच मृत्‍यू झाला आहे. (nandurbar news accident news container car crash Three killed)

निझर रस्‍त्‍यावरील हॉटेल हायवेजवळ मध्‍यरात्रीच्‍या सुमारास झालेल्या या अपघातात तीन जण ठार (Accident Death) झाले आहेत. अपघातात हिरालाल पवार, अनिल सोलंकी आणि प्रशांत सोनवणे हे तिघे मयत झाले असुन यातील प्रशांत सोनवणे हे रेल्वे सुरक्षा दलात जवान म्हणुन कार्यरत होते.

कारची मागून धडक

अर्टीगा कार कंटेनरवर मागुन धडकल्याचे बोलले जात आहे. तर दुसरीकडे हा 753 ब असा शेवाळी नेत्रंग महामार्ग असुन गुजरातमधुन (Gujrat) होणाऱ्या वाळु वाहतुकीमुळे या रस्त्याचे बारा वाजले आहे. त्यातच रस्त्याच्या साईड पट्यांची देखील दुरावस्था झाली असल्यानेच या रस्त्यावर मोठ्या प्रमाणात अपघात होत आहेत.