Accident News: नवस फेडायला जाणाऱ्या भाविकांच्‍या टेम्पोला अपघात; 25 जण जखमी

नांदेड : नवरात्री असल्‍याने नवस फेडायला जात असलेल्‍या भाविकांचा टेम्पो उलटून अपघात (Accident) झाला. या अपघातात 25 प्रवासी जखमी झाले. हा अपघात नांदेडच्‍या (Nanded) किनवट तालुक्यातल्या शिवणीजवळ आज सकाळी झाला. (Nanded Accident News)

हदगाव तालुक्यातील हस्तरा येथील भाविक तेलंगणातील आडेला देवीचा नवस फेडण्यासाठी टेम्पोतून जात होते. दरम्‍यान आज सकाळी शिवणी जवळ चालकाचा ताबा सुटल्याने टेम्पो उलटून झालेल्या (Accident News) अपघातात 25 प्रवासी जखमी झाले. अपघात झाल्याचे कळताच स्थानिक गावकऱ्यांनी मदतकार्य राबवत जखमींना हिमायतनगरच्या शासकीय रुग्णालयात (Hospital) पाठविले.

१४ गंभीर

अपघातातील 11 जखमींवर सध्या हिमायतनगरच्या रुग्णालयात तर 14 गंभीर जखमींवर नांदेडच्या शासकीय रुग्णालयात उपचार सुरू आहेत.