नागपुरातून दुचाकी चोरी, ग्रामीण भागात विक्री; दोन चोरट्यांना अटक

नागपूर : नागपूरच्या वाठोडा पोलिसांनी दोन बाईक चोरांना अटक केली. जे भंडारा जिल्ह्यातून नागपुरात (Nagpur) यायचे या ठिकाणी बाईक चोरायचे आणि ग्रामीण भागात नेऊन दुचाकी विकायचे. अटक केलेल्‍यांकडून आतापर्यंत सहा गुन्हे उघड झाले असून (Bike Robbery) सहा बाईक जप्त करण्यात पोलिसांना यश आले. (Tajya Batmya)

वाठोडा पोलीस (Police) स्टेशनचे कर्मचारी पेट्रोलिंगवर असताना त्यांना एकाच नंबरच्या दोन पल्सर बाइक दोन व्यक्ती घेऊन जाताना दिसले. यावरून पोलिसांना संशय आला. पोलिसांनी त्यांची विचारपूस केली असता ते भंडारा (Bhandara) जिल्ह्यातील असून नागपुरात येऊन ज्या वस्त्यांमध्ये बाईक घराच्या बाहेर राहतात. अशा वस्तींमध्ये जाऊन त्या ठिकाणांवरून बाईक चोरी करायचे.

अन्‌ डाव फसला

चोरीच्‍या बाईक ग्रामीण भागात न्यायच्या आणि कमी पैशांमध्ये त्या विकायच्या. यानंतर पुन्हा आपल्या जिल्ह्यात जाऊन काही दिवस राहायचे. मात्र यावेळी त्यांचा डाव फसला आणि दोन आरोपी पोलिसांच्या हाती लागले. पोलिसांनी त्यांची चौकशी केली असता त्यांनी आतापर्यंत सहा बाईक चोरल्याची कबुली दिली. त्या बाईक सुद्धा पोलिसांनी हस्तगत केल्या आहेत. मात्र पोलिसांना या टोळीमध्ये आणखी काही जणांचा समावेश असण्याची शक्यता आहे. त्या दृष्टीने सुद्धा पोलिसांनी तपास सुरू केला आहे.