Class 10Th Student: नागपूर हादरलं! दहावीत 71 टक्के गुण मिळूनही विद्यार्थिनीने उचललं टोकाचं पाऊल...

Nagarpur News: महाराष्ट्र राज्य माध्यमिक आणि उच्च माध्यमिक शिक्षण मंडळाचा दहावीच्या परीक्षेच्या निकाल (10th ssc result 2023) शुक्रवारी जाहीर झाला. या परीक्षेत हवं असलेलं यश मिळवता आलं नसल्याने नागपूरमधील दोन विद्यार्थिनींने टोकाचं पाऊल उचलं आहे.

निकाल लागून 24 तास ही झाले नसताना येथे दोन विद्यार्थिनींनी नैराश्यातून आयुष्य संपवलं आहे. यात वाडी परिसरातील रामदुलारी पंचम झारीया या विद्यार्थिनीने दहावीच्या परीक्षेत नापास झाल्याने गळफास लावून केली आपलं जीवन संपवलं.

तर सक्करदरा परिसरात चेतना भोजराज भोयर हिला 71 टक्के गुण मिळूनही अपेक्षित गुण न मिळाल्याच्या कारणावरून तिने आपलं जीवन संपवलं. (Latest Marathi News)

पोलिसांनी दिलेल्या माहितीनुसार, चेतनाला दहावीच्या निकालात ७१ टक्के गुण मिळाले या कारणावरून ती नाराज होती. यातच तिने घरी कोणी नसताना बेडरूममध्ये सिलींग फॅनला ओढणीने गळफास घेऊन जीवन संपवलं.

या दोन्ही विद्यार्थिनींने उचललेल्या या टोकाच्या पावलामुळे संपूर्ण नागपूर हादरलं आहे. यातच आजही विद्यार्थ्यांवर निकालाचा किती दबाव असतो हे समोर आलं आहे.