मुंबई- अहमदाबाद महामार्गावर भीषण अपघात; दोन्ही चालक जागीच ठार

मुंबई अहमदाबाद महामार्गावर दोन टँकर मध्ये भीषण अपघात झाला असून यात दोन्ही वाहन चालकांचा जागीच मृत्यू झाला आहे. मुंबई अहमदाबाद महामार्गावर शिरसाड पाडा गावाच्या हद्दीत दुपारी ३ वाजताच्या दरम्यान गुजरात (Gujrat) वाहिनीवर इंडियन ऑईलच्या एम एच ४३ बी पी ६६४० टँकरमध्ये बिघाड झाल्याने चालकाने टँकर रस्त्याच्या कडेला उभा करून दुरुस्ती करण्यासाठी टँकरच्या मागे गेला असताना. याच वाहिनीवर मागच्या दिशेने पाण्याने भरलेला टँकर एम एच ४६ एएफ ३८०५ चालकाचे नियंत्रण सुटल्याने येवून आदळला. (Mumbai Ahmedabad Highway Accident News In Marathi)

या अपघातात दोनही चालकांचा जागीच मृत्यू झाला असून अशोककुमार पाल आणि शिवाधारी यादव अशी चालकांची नावे आहेत. ज्वलनशील रसायन भरलेल्या टँकरला गळती लागली नाही. अन्यथा या अपघातांची भीषणता आणखी भयानक झाली असती. पोलिसांना (Police) माहिती मिळताच त्यांनी घटनास्थळी धाव घेत मृतदेह ताब्यात घेतले असून अकस्मात मृत्यूची नोंद केली आहे. वाहतूक कोंडी नियंत्रित केली आहे.

Edited By: Pravin Dhamale