Shinde-Thackeray Group Clash: शिंदे- ठाकरेंच्या सेना रस्त्यावर भिडल्या; शिवसेनेच्या दोन्ही गटात शाब्दिक राडा

सुप्रिम मसकर, साम प्रतिनिधी

हिंदी सक्तीच्या निर्णयाविरोधात मनसे आणि ठाकरे सेना 5 जुलैला रस्त्यावर उतरणार होत्या. त्याआधीच राज्य सरकारनं त्रिभाषा सूत्राचा जीआर रद्द करण्याची घोषणा केली. हा निर्णय मागे घेतल्यानंतर मनसे आणि ठाकरे सेनेकडून मराठीचा जल्लोष सुरु झाला. मात्र त्याचवेळी मुंबईतील वर्सोवा विधानसभा मतदारसंघात शिंदे आणि ठाकरे सेनेत वादाची ठिगणी पडली. दोन्ही सेना आमनेसामने आलाय आणि प्रकरण शिवीगाळ, हाणामारीपर्यंत पोहचलं.

दोन्ही सेना का भिडल्या?

शाखाप्रमुखांमध्ये एकमेकांच्या पक्षावर भाष्य करण्यावरून वाद

ठाकरे सेनेच्या कार्यकर्त्याकडून छत्री वाटपाचा कार्यक्रम फेसबुकवर लाईव्ह

शिंदे सेनेच्या शाखाप्रमुखाची लाईव्ह दरम्यान टीका

दोन्ही पक्षांच्या कार्यकर्त्यांमध्ये शिवीगाळ, हाणामारी

या निमित्ताने सोशल मिडीयाचं आभासी जग कलहाला कारणीभूत ठरत असल्याचं पुन्हा एकदा समोर आलंय. अगदी शुल्लक कारणावरुन सुरु झालेला हा वाद माफी मागितल्यानंतर मिटला जरी असला तरी येणाऱ्या निवडणुकांमध्ये मात्र ठाकरे आणि शिंदेसेनेमध्ये जुंपणार हे निश्चित आहे.