जालना जिल्ह्यातील बदनापूरमध्ये ठाकरे सेनेला मोठा धक्का
आजी-माजी सरपंच आणि अनेक पदाधिकाऱ्यांनी भाजपमध्ये केला प्रवेश
आमदार नारायण कुचे यांच्या उपस्थितीत पार पडला पक्षप्रवेश सोहळा
आगामी स्थानिक निवडणुकांपूर्वी मराठवाड्यात भाजपाची ताकद वाढली
आगामी स्थानिक स्वराज्य संस्थांच्या निवडणुकीपूर्वी राज्यात मोठ्या राजकीय घडामोडी घडताना दिसत आहे. सर्वच राजकीय पक्षांमध्ये इनकमिंक आणि आऊटगोईंग सुरू आहे. अशातच ऐन दिवाळीत भाजपकडून शिवसेना ठाकरे गटाला मोठा धक्का देण्यात आला आहे. जालन्यातील बदनापुरात ठाकरे यांच्या शिवसेनेला खिंडार पडलं. आजी- माजी सरपंचासह अनेक कार्यकर्त्यांनी भारतीय जनता पार्टीमध्ये प्रवेश केला.
आगामी जिल्हा परिषद आणि पंचायत समिती निवडणुकीच्या तोंडावरच बदनापूर तालुक्यात ठाकरेंच्या शिवसेनेला मोठा धक्का बसला आहे. शेकडो कार्यकर्त्यांनी शिवसेनेला जय महाराष्ट्र करत भाजपात प्रवेश केलाय. भाजप आमदार नारायण कुचे यांच्या प्रमुख उपस्थितीमध्ये आजी- माजी सरपंच आणि अनेक पदाधिकारी भाजपात दाखल झाले. दरम्यान होऊ घातलेल्या जिल्हा परिषद आणि पंचायत समिती निवडणुकीमध्ये भाजपाला याचा मोठा फायदा होणार आहे. आगामी निवडणुकीपूर्वी मराठवाड्यामध्ये भाजपची ताकद वाढतच चालल्याचे चित्र पाहायला मिळत आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.