Latur News: माणुसकी हरवली! महिला शिक्षिकेला व्यापारी दांपत्याकडून बॅटने अमानुष मारहाण; लोक फक्त बघत राहिले...

संदीप भोसले, प्रतिनिधी

Latur Crime News:

लातूर शहरात एक धक्कादायक घटना घडलीय. लातूरमध्ये एका महिला शिक्षिकेला व्यापारी दाम्पत्याने अमानुष मारहाण केल्याचे उघडकीस आले. या मारहाणीत महिला शिक्षिकेचा एका हात फ्रॅक्चर झाला आहे. धक्कादायक बाब म्हणजे भररस्त्यावर शिक्षिकेला मारहाण होत असताना पीडितेला कोणीच वाचवलं नाही. रस्त्यावरून जाणाऱ्या- येणाऱ्या लोकांनी फक्त बघ्याची भूमिका घेतल्याने सर्वत्र संताप व्यक्त केला जात आहे.

शिक्षिकेला मारहाण झाल्यामुळे खळबळ उडाली आहे. पीडिता शिक्षिका ह्या शहरातील मंत्रीनगरमध्ये राहतात. त्या महापालिकेच्या शाळेत शिक्षिका म्हणून कार्यरत आहेत. त्या मॉर्निंग वॉकसाठी घराबाहेर पडल्या असता त्यांना बेदम मारहाण करण्यात आली. घरापासून काही अंतरावर असलेल्या श्रीनिवास येथील व्यापारी गोपाल भारतलाल दरक आणि त्याची पत्नी सौ.सपना गोपाल दरक यांनी त्यांना अडवले.

तुम्ही आमच्या घराजवळ लघुशंका केल्याचा संशय व्यक्त करीत दरक दाम्पत्याने महिला शिक्षिकेला बॅटने अमानुषपणे बेदम मारहाण करण्यास सुरुवात केली. या मारहाणीत संगीता भोसले यांच्या उजव्या मांडीवर, पिंडरीवर तसेच डाव्या हातावर जबर जखमा झाल्या असून हातही फ्रॅक्चर झाला आहे. (Latur News)

दरक दाम्पत्याने संशयातून शिक्षिकेला मारहाण केली. तब्बल अर्धा तास अमानुषपणे आपल्याला मारहाण केली. धक्कादायक बाब म्हणजे यावेळी या परिसरात राहणाऱ्या नागरिकांनी शिक्षिकेला कसलीही मदत केली नाही. याप्रकरणी पोलीस ठाण्यात तक्रार दाखल केली असून आरोपींना अटक करून त्यांच्यावर कठोर कारवाईची मागणी जखमी महिला आणि त्यांच्या मुलाने केली आहे. (Latest Marathi News)