नांदेड : नांदेड (Nanded) मध्ये रात्री एका तरुणाची धारदार शस्त्राने निघृण हत्या केल्याची धक्कादायक घटना घडली आहे. शहरातील शारदा नगर परिसरातील राज रेसेडन्सी परिसरात ही घटना घडल्याने परिसरात भितीचं वातावरण निर्माण झालं आहे. विशाल धुमाळ असं खुन झालेल्या तरुणाचे नाव आहे. तीन तरूणांनी मिळून मोटारसायकलवरुन पाठलाग करुन विशालचा खुन केल्याची संपुर्ण धक्काकायक घटना CCTV मध्ये कैद झाली आहे.
20 हजारासाठी हा खुन झाल्याची प्राथकमिक माहिती असून, विशालवर खंजीरने सपासप वार केल्याने स्थानिक नागरिकांनी हल्लेखोरांच्या तावडीतून सोडविण्याचा प्रयत्न केला, विशालनेही जिव वाचविण्यासाठी राज रेसेडन्सी कडे धावला मात्र, रक्तबंबाळ अवस्थेत तो जागेवरच कोसळला आणि अतिरक्तस्त्रावामुळे विशालचा जागीच मृत्यू झाला.
हे देखील पहा -
घटनेची माहिती मिळताच पोलिसांनी घटनास्थळावर धाव घेत पंचनामा केला आहे. या प्रकरणी विशालच्या वडीलांनी दिलेल्या तक्रारीवरून विमानतळ पोलिस ठाण्यात खुनाचा गुन्हा दाखल करण्यात आला. विशालवर हल्ला करणारे तिघांनाही पोलिसांनी 24 तासाच्या आत रात्री उशिरा अटक केली आहे.
Edited By - Jagdish Patil
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.