अजित पवार व रश्मी ठाकरेंबाबत आक्षेपार्ह ट्विट करणाऱ्या भाजप पदाधिकाऱ्याचा माफीनामा !

मुंबई : मुख्यमंत्री उद्धव ठाकरे, सामनाच्या उपसंपादक व मुख्यमंत्र्यांच्या पत्नी रश्मी ठाकरे तसेच उपमुख्यमंत्री अजित पवार यांच्याबाबत आक्षेपार्ह ट्विट करणारा भाजप पदाधिकारी जितेन गजारिया (Jiten Gajaria) याने अखेर ट्विटबाबत लेखी माफी मागितली आहे.

( Jiten gajaria Offensive Tweet)

हे देखील पहा :

जितेन गजारियाच्या माफी पत्रानंतरच त्याची बीकेसी पोलिस स्टेशन मधून सुटका करण्यात आलीय. महाराष्ट्र भाजप आयटी सेलचा ( BJP IT Cell) प्रभारी जितेन गजारिया याने बीकेसी सायबर पोलिसांना माफीपत्र लिहून दिल्यावरच त्याची सूटका करण्यात आल्याची माहीती वरिष्ठ सूत्रांनी दिली आहे.

जितेन गजारिया याने मुख्यमंत्री उद्धव ठाकरे (Uddhav Thackeray) आणि त्यांच्या पत्नी रश्मी ठाकरे (Rashmi Thackeray) तसेच उपमुख्यमंत्री अजित पवार (Ajit Pawar) यांची लेखी माफी मागितली आहे. तसे माफी पत्र जितेन गजारिया याने बीकेसी सायबर पोलिसांना दिले आहे. त्यानंतरच जितेन गजारीया याची पोलिस स्टेशनमधून सूटका करण्यात आल्याची माहीती मिळतेय.

Edited By : Krushnarav Sathe