Ujani Dam News : उजनी धरणाचे पाणी इंदापूर आणि बारामतीला एक थेंबही जावू देणार नाही असे आश्वासन पालकमंत्री तथा महसूल मंत्री राधाकृष्ण विखे-पाटील यांनी दिले आहे. विखे - पाटील यांच्या भुमिकेने पुन्हा एकदा उजनीच्या पाण्याचा वाद पेटणार की काय अशी चर्चा हाेऊ लागली आहे. (Radhakrishna Vikhe Patil Latest Marathi News)
मंगळवेढा येथे आवताडे साखर कारखान्या गळीत हंगाम कार्यक्रमात बोलताना पालकमंत्री विखे पाटील यांनी उजनीच्या पाण्याच्या संदर्भात भूमिका स्पष्ट केली. उजनीच्या पाण्यावर सोलापूर जिल्ह्यातील शेतक-यांचा हक्क आहे. त्यांच्या हक्काचं पाणी इंदापूर बारामतीला कोणत्याही परिस्थितीत जावू देणार नाही असे विखे पाटील यांनी स्पष्ट केले.
तत्कालीन पालकमंत्री दत्तात्रय भरणे यांनी उजनी धरणातून (ujani dam) इंदापूर बारामती तालुक्यातील दुष्काळी गावांसाठी पाच टीएमसी उपसा सिंचन योजना मंजूर केली होती. या योजनेला सोलापूर जिल्ह्यातील शेतक-यांचा तीव्र विराेध आहे. शेतक-यांच्या विरोधा नंतर ही भरणे यांनी योजनेसाठी मोठा निधीही मंजूर केला होता.
राज्यात सत्तांतर झाल्यानंतर आता इंदापूर आणि बारामतीला (baramati) उजनीतून एक थेंबही पाणी जावू देणार नसल्याचे पालकमंत्र्यी विखे पाटील यांनी भूमिका घेतली आहे. त्यामुळे पुन्हा एकदा उजनीचे पाणी पेटल्याची चर्चा हाेऊ लागली आहे. (Breaking Marathi News)
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
