बीडमध्ये मनसे आक्रमक; मशिदीवरील भोंगे उतरवा म्हणत लाऊडस्पीकरवर लावली हनुमान चालीसा

विनोद जिरे

बीड: मशिदींवरील बेकायदेशीर भोंगे उतरवा नाहीतर आम्ही लाऊडस्पीकरवर 'हनुमान चालीसा' लावू, असा इशारा मनसे प्रमुख राज ठाकरे यांनी मुंबईत गुढी पाडव्याच्या मुहूर्तावर झालेल्या सभेत दिला होता. हा इशारा मनसेकडून प्रत्यक्षात आणायला सुरुवात झाली आहे. बीडमध्ये मनसेच्या कार्यकर्त्यांनी, शहरातील विप्र नगर भागातील 32 फूट उंच असणाऱ्या हनुमानाच्या मूर्ती समोर, सार्वजनिक ठिकाणी लाऊडस्पीकरवर हनुमान चालीसा लावून, पठण केले आहे. (Beed MNS News)

...तर डीजे लावून आम्ही हनुमान चालीसाचे पठण करू;

मनसे शहर उपाध्यक्ष करण लोंढे यांच्यासह कार्यकर्त्यांनी या हनुमान चालीसाचे पठण केले आहे. दरम्यान आमचा कोणत्या जाती धर्माला विरोध नाही, मात्र तात्काळ मशिदीवरील बेकायदेशीर भोंगे उतरवले नाहीत. तर डीजे लावून आम्ही हनुमान चालीसाचे पठण करू. असा इशारा शहर उपाध्यक्ष करण लोंढे यांच्यासह कार्यकर्त्यांनी दिलाय.

हे देखील पहा-