Halal Vs Jhatka : हलाल विरुद्ध झटका, वाद पेटला; हिंदू दुकानातून मटण खरेदी करा, राणेंचं आवाहन

भरत मोहळकर, साम टीव्ही, प्रतिनिधी

हलाल आणि झटका प्रकारच्या मटणाच्या वादाने पुन्हा एकदा डोकं वर काढलंय. तर हिंदूंनी मल्हार सर्टिफिकेशन असलेल्या दुकानातून मटन खरेदी करण्याचं आवाहन मत्स्य उत्पादन मंत्री नितेश राणेंनी केलं आहे. पुन्हा चर्चेत आलेलं हलाल आणि झटका हे प्राण्यांच्या मांसावरुन नाही तर त्याला कापण्याच्या पद्धतीवरुन ठरवलं जातं... मात्र हे हलाल मटन म्हणजे काय? पाहूयात.

'हलाल' म्हणजे काय?

- इस्लाममध्ये फक्त हलाल मांसाला परवानगी

- हलाल पद्धतीत जनावराच्या मानेची नस कापली जाते

- प्राण्याचं संपूर्ण रक्त बाहेर पडण्याची वाट पाहिली जाते

- प्राणी पूर्ण मेल्यानतंर त्याच्या शरिराचे हिस्से केले जातात

- प्राणी कापण्याआधी पोट भरून जेवण दिलं जातं

दुसरीकडे हिंदू धर्मात हलाल पद्धतीवर आक्षेप घेत झटका पद्धतीचं मांस खाण्याचा सल्ला दिला जातो. मात्र झटका मटन म्हणजे नेमकं काय? पाहूयात.

'झटका' म्हणजे काय?

- धारदार शस्त्राने प्राण्याची मान एका झटक्यात धडापासून वेगळी करणे

- झटक्यातील प्राण्याला मारण्यापूर्वी बेशुद्ध केलं जातं.

- प्राण्याला कापण्याआधी उपाशी ठेवलं जातं

हलाल आणि झटका या प्राण्यांना कापण्याच्या दोन पद्धती असल्या तरी त्याचा धार्मिक धृवीकरणासाठी वापर सुरु करण्यात आलाय. त्यामुळे या धार्मिक धृवीकरणाच्या आगीचे दोन्ही धर्मातील सर्वसामान्यांना चटके बसण्याची शक्यताच जास्त आहे.