बीडमध्ये पत्नीच्या त्रासाला कंटाळून, वनरक्षक जवानाची आत्महत्या

विनोद जिरे

बीड - आजपर्यंत आपण पतीच्या त्रासाला कंटाळून, पत्नीने आत्महत्या केल्याच्या अनेक घटना ऐकल्या असतील. मात्र बीडच्या आष्टीमध्ये पत्नीच्या त्रासाला कंटाळून, एका वनरक्षक असणाऱ्या पतीनेच, आत्महत्या केल्याची घटना घडली आहे. अनिल आबासाहेब जगताप असे आत्महत्या केलेल्या त्या तरुण वनरक्षकाचे नाव आहे. Fed up with wife's harassment in Beed, forest guard commits suicide

हे देखील पहा -

लग्नाच्या अगोदर खर्च केलेल्या पगाराचा हिशोब द्या. असा तगादा पत्नीने वनरक्षक असलेल्या पती अनिल जगतात यांच्या मागे लावला होता. तसेच आई-वडिलांना पैसे दिल्यामुळे तिने त्याला मारहाणही केली होती. अनिलच्या नवे असणारी शेती स्वतःच्या नावावर करून घेण्यासाठी ती त्याला सतत त्रासही देऊ लागली.

पत्नीच्या याच नेहमीच्या छळाला कंटाळलेल्या पती अनिल जगताप यांनी, 29 मे रोजी अखेर गळफास घेऊन आत्महत्या केली. याप्रकरणी 24 दिवसांनंतर पत्नी अश्विनी अनिल जगताप, सासरे अजिनाथ देवराव भवर, सासू विजुबाई अजिनाथ भवर आणि मेव्हणा महेश अजिनाथ भवर या चौघांवर आत्महत्येस प्रवृत्त केल्याच्या आरोपावरुन, आष्टी पोलिस ठाण्यात गुन्हा दाखल झाला आहे. दरम्यान याप्रकरणी लवकरच आरोपींना अटक करू अशी माहिती पोलीस उपनिरीक्षक प्रमोद काळे यांनी दिली.

Edited By : Krushnarav Sathe