बीड: बीड (Beed) शहरातील बसस्थानकामध्ये एका जवळपास 60 वर्षीय वयाच्या अज्ञात व्यक्तीचा, बसमध्येच गळफास घेतलेल्या अवस्थेत मृतदेह आढळल्याने खळबळ उडाली आहे. ही धक्कादायक घटना काही वेळापूर्वी उघडकीस आली आहे. तर घटनेची माहिती समजताच शिवाजी नगर पोलीस (Police) घटनास्थळी दाखल झाले आहेत.
हे देखील पहा-
बीड (Beed) शहरातील बसस्थानकात गेल्या अनेक दिवसांपासून उभ्या असलेल्या बसमध्ये हा मृतदेह आढळला आहे. गळ्याला फास लावलेल्या व पाय खाली टेकलेल्या अवस्थेत हा मृतदेह आढळल्याने संशय व्यक्त केला जात आहे. निवृत्ती अबुज वय 60 असं त्या व्यक्तीचे नाव आहे. शिवाजीनगर पोलिसांनी (Police) मृतदेह खाली उतरवला असून शवविच्छेदनासाठी जिल्हा रुग्णालयात दाखल केला आहे.
दरम्यान मयत व्यक्ती कोण हे स्पष्ट झाले असून पोलिसांकडून (Police) पंचनामा करत तपास सुरू आहे. तर मयत व्यक्तीने नेमकी आत्महत्या केली की त्याची हत्या केली? यावर प्रश्नचिन्ह निर्माण होत आहे.
Edited By- Digambar Jadhav
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.