Dhule: पंतप्रधानांच्‍या विधानाचे पडसाद; कॉंग्रेसचे शरम करो आंदोलन

धुळे : पंतप्रधान नरेंद्र मोदी यांनी महाराष्ट्राबद्दल केलेल्या विधानाचे पडसाद धुळ्यात उमटले आहेत. या विरोधात खासदार सुभाष भामरे यांच्या निवासस्थानाबाहेर काँग्रेसतर्फे (Congress) आंदोलन करण्यात आले. (dhule news repercussions of the PM modi statement Shame on the Congress movement)

भारताचे पंतप्रधान नरेंद्र मोदी (Narendra Modi) यांनी महाराष्ट्र बद्दल केलेल्या विधानाचे पडसाद धुळ्यात (Dhule) उमटताना दिसून आले. माजी संरक्षण राज्यमंत्री तथा खासदार सुभाष भामरे (Subhash Bhamre) यांच्या निवासस्थानाबाहेर काँग्रेसच्यावतीने शरम करो आंदोलन करण्यात आले आहे. यावेळी खासदार सुभाष भामरे यांच्या निवासस्थानाबाहेर काँग्रेसचे पदाधिकारी व कार्यकर्ते मोठ्या संख्येने आंदोलनासाठी उपस्थित होते.

केंद्रातील भाजपवर निशाणा

केंद्र सरकारच्या निषेधाचे फलक झळकवत केंद्र सरकारच्या विरोधामध्ये काँग्रेसच्यावतीने मोठ्या प्रमाणात घोषणाबाजी करण्यात आली असून, भाजपचा (BJP) केंद्र सरकारतर्फे महाराष्ट्राला (Maharashtra) बदनाम करण्याचा कट कारस्थान करण्यात येत असल्याचा आरोप देखील यावेळी काँग्रेसच्या आंदोलनकर्त्यांनी भाजपवर केला आहे. पंतप्रधान नरेंद्र मोदी यांनी महाराष्ट्राबद्दल केलेल्या विधानाबाबत भाजपने माफी मागावी अन्यथा काँग्रेसतर्फे आंदोलन अधिक तीव्र करण्याचा इशारा देखील यावेळी आंदोलनकर्त्या पदाधिकाऱ्यांकडून देण्यात आला आहे.