धुळे : धुळे महानगरपालिकेला शास्ती माफीतून मिळालेल्या रक्कमेतून शहरातील खड्डे बुजविण्याची मागणी शिवसेनेकडून करण्यात आली होती. मात्र असे न झाल्याने महापालिकेच्या प्रवेशद्वारावर शिवसेनेतर्फे घट मांडून पालिका प्रशासनाचा निषेध करत नऊ दिवसांच्या आंदोलनाला सुरवात केली. (dhule-news-dhule-corporation-Shiv-Sena-proposes-reduction-at-entrance)
गेल्या आठवड्यात लोकअदातीलच्या माध्यमातून शास्ती माफी दिल्याने धुळे महापालिकेच्या तिजोरीत ८५ लाख रुपये जमा झाले होते. या रकमेतून ठेकेदारांची खोटी बिले काढण्यापेक्षा त्यात आणखी काही रक्कम टाकून शहरातील खड्डे बुजविण्यात यावे; अशी मागणी शिवसेनेने केली होती. तसेच मागणीची दखल न घेतल्यास घटस्थापनाच्या दिवशी मनपाच्या प्रवेशद्वारासमोर घटस्थापना करुन नवरात्रीचे नऊ दिवस आंदोलन केले जाईल, असा इशारा देखील दिला होता.
ठिय्या आंदोलनाला सुरुवात
शिवसेनेने अल्टीमेटम देऊनही महापालिकेने या मागणीकडे दुर्लक्ष केले. त्यामुळे संतप्त शिवसैनिकांनी महापालिकेसमोरच आज घटनास्थापना करून नऊ दिवसांच्या ठिय्या आंदोलनाला सुरुवात केली आहे. यावेळी महापालिकेच्या विरोधात घोषणाबाजी करण्यात आली. धुळे महापालिका प्रशासनाच्या विरोधात शिवसेनेतर्फे पालिका प्रशासनाच्या प्रवेशद्वारावर घट मांडून अनोख्या पद्धतीने निषेध करण्यात आला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
