Dhule News: मंत्रालयाबाहेर महिलेची विष प्राशननंतर मृत्‍यूप्रकरणी धुळे पोलिसांत गुन्हा दाखल

धुळे : धुळ्यातील प्लॉट खरेदी फसवणूक प्रकरणी तक्रारदार शीतल रवींद्र गादेकर बारामती (पुणे) येथील महिलेने मुंबई येथे मंत्रालयाबाहेर विषप्राशन करून आत्महत्येचा प्रयत्न केला होता. दरम्यान या महिलेचा (Dhule News) उपचारादरम्यान मृत्यू झाला असून या प्रकरणी धुळ्यातील मोहाडी पोलीस ठाण्यात संबंधितांविरोधात गुन्हा दाखल झाला असून पुढील तपास मोहाडी पोलीस (Police) करीत आहेत. (Breaking Marathi News)

धुळ्यातील एमआयडीसी परिसरात शितल रवींद्र गादेकर या महिलेच्या पतीच्या नावे प्लॉट असून २०१९ मध्ये त्यांच्या पतीचे निधन झाले होते. परंतु २०२० मध्ये त्यांच्याकडून फसवणूक करून बनावट सही करून तसेच काही अधिकाऱ्यांच्या मदतीने संबंधित व्यक्तीने प्लॉट हडपल्याची तक्रार मोहाडी पोलिसात सदर महिलेने या पूर्वी केली होती. मोहाडी पोलिसांनी तपास केला.

अपेक्षित न्याय मिळाला नसल्याने संबंधित महिलेने न्याय मागण्यासाठी मंत्रालयाच्या बाहेर विष प्राशन करून आत्महत्या करण्याचा प्रयत्न केला. यात महिलेचा दोन दिवसांपूर्वी उपचारा दरम्यान मुत्यु झाला. या प्रकरणी धुळे पोलिसांनी संबंधितां विरोधात विविध कलमांवये गुन्हा दाखल केला असून, पुढील तपास मोहाडी पोलिसांतर्फे करण्यात येत आहे.