भाजपचे यश; धुळ्यात फटाके फोडून जल्लोष

धुळे : पाच राज्यांच्या निवडणुकांमध्ये भाजपला मिळालेल्या यशानंतर धुळ्यामध्ये महापालिकेच्या बाहेर भाजपच्या महापौरांसह सर्व पदाधिकारी व कार्यकर्त्यांनी फटाके फोडून व नाचून जल्लोष साजरा केला आहे. (Dhule news BJP' success five state election Firecrackers explode in Dhule)

धुळे महानगरपालिकेचे महापौर प्रदीप कर्पे यांच्यासह भाजपचे सर्व पदाधिकारी व कार्यकर्ते मोठ्या संख्येने या जल्लोषात बेधुंद होऊन नाचत जल्लोष साजरा करताना दिसून आले. महाविकास आघाडी सरकारतर्फे इतर राज्यांमध्ये भाजपला शह देण्याचा मोठ्या प्रमाणात प्रयत्न करण्यात आला. परंतु महा विकास आघाडी सरकारचा हा प्रयत्न पुन्हा एकदा जनतेने मोडीत काढून भाजपवर विश्वास दाखवला; असल्याचे मत व्यक्त केले. या निकालाचे परिणाम येणाऱ्या निवडणुकांमध्ये देखील महाराष्ट्र राज्यात दिसून येतील असे मत यावेळी भाजपच्या पदाधिकाऱ्यांतर्फे व्यक्त करण्यात आले आहे.