कॉंग्रेस कार्यकारणीत तृतीयपंथी पार्वती जोगीचा समावेश

धुळे : महाराष्ट्र प्रदेश काँग्रेस कार्यकारणीत धुळ्यातील तृतीयपंथी असलेल्या पार्वती जोगी यांचा समावेश करण्यात आला आहे. (dhu-news-Third-party-Parvati-Jogi-included-in-the-Congress-executive)

महाराष्ट्र प्रदेश काँग्रेस कार्यकारणीमध्ये प्रथमच दोन तृतीयपंथीयांना समाविष्ट करण्यात आले आहे. त्यामधील पार्वती परशुराम जोगी यांचादेखील समावेश करण्यात आला आहे. पार्वती जोगी या धुळ्यातील आहेत. तसेच त्या यल्लम्मा महामंडळेश्वराच्या अध्यक्ष देखील आहेत.

तृतीयपंथीयांचे प्रश्‍न मार्गी लागतील?

तृतीयपंथीयांना समाजाच्या इतर घटकांना सोबत आणण्याचा काँग्रेसचा हा प्रयत्न असून यानिमित्ताने तृतीयपंथीयांचे देखील मोठ्या प्रमाणात प्रलंबित असलेले प्रश्न मार्गी लावण्यासाठी या दोन्ही तृतीय पंथीयांना सुवर्णसंधी मिळाली आहे. या संधीचं सोनं ते कशा पद्धतीने करतील व तृतीयपंथीयांचे प्रश्न कशा पद्धतीने मार्गे लावतील; याकडेच आता संपूर्ण तृतीयपंथी वर्गाचे लक्ष लागून आहे. यानिमित्ताने तरी तृतीयपंथीयांकडे बघण्याचा दृष्टिकोन समाजाचा बदलेल का.