Dheeraj Deshmukh: धीरज देशमुखांच्या पराभवानंतर कार्यकर्ते ढसाढसा रडले, पाहा VIDEO

राज्यातील विधानसभा निवडणुकीचे निकाल नुकतेच जाहीर झाले आहेत. या निवडणुकीमध्ये महायुतीने महाविकास आघाडीचा पराभव केला. काँग्रेसच्या अनेक दिग्गज नेत्यांचा आणि विद्यमान आमदारांचा या निवडणुकीमध्ये पराभव झाला. या उमेदवारांनी आणि त्यांच्या कार्यकर्त्यांनी हा निकाल अनपेक्षित लागला असल्याचे मत मांडले आहे.

दरम्यान लातूर ग्रामीणचे काँग्रेसचे उमेदवार धीरज देशमुख यांचा ही या निवडणुकीमध्ये पराभव झाला. भाजपचे उमेदवार रमेश कराड यांनी त्यांचा दारूण पराभव केला. धीरज देशमुखांच्या पराभवानंतर त्यांच्या कार्यकर्त्यांना मोठा धक्का बसला. आज धीरज देशमुख यांच्या कार्यकर्त्यांनी त्यांची भेट घेतली. यावेळी कार्यकर्त्यांना अश्रू अनावर झाल्याचे चित्र पाहायला मिळाले. यावेळी त्यांचे कार्यकर्ते ढसाढसा रडले. मात्र पराभवाला खचून न जाता नव्या उमेदीने कामाला लागा असं आवाहन धीरज देशमुख यांनी कार्यकर्त्यांना धीर देत केले.