मावळ (maval) : देहू (dehu) नगरपंचायतीची पहिलीच निवडणूक (nagarpanchayat election) उद्या (मंगळवार) पार पडणार आहे. त्यासाठी आज (साेमवार) निवडणूक निर्णय अधिकारी कार्यालयात सर्व कर्मचारी दाखल झाले हाेते. सर्व कर्मचाऱ्यांनी निवडणुकीचे (election) साहित्य ताब्यात घेतले आहे.
उद्या एकूण पस्तीस मतदान केंद्रावर मतदान (voting) पार पडणार आहे. त्याचीच लगबग सध्या देहूनगरीत (dehu) पहायला मिळत आहे. निवडणूक (election) निर्णय अधिकारी कार्यालयातून साहित्य घेतल्यानंतर सर्व कर्मचारी नेमून दिलेल्या ठिकाणी रवाना झाले.
ही पहिलीच निवडणूक असल्याने पोलिसांचा (police) मोठा फौजफाटा देहूत तैनात करण्यात आला आहे. मतदाना दरम्यान कोणताही अनुचित प्रकार घडू नये यासाठी कडक पोलिस बंदोबस्त आहे. मतदान केंद्रावरील कर्मचारी ईव्हीम मशीन घेऊन (evm machine for dehu election) रवाना होत असताना प्रत्येक बस बरोबर देखील पोलिसांचा बंदोबस्त ठेवण्यात आला आहे. मतदान केंद्रावर देखील आजपासून पोलिसांचा बंदोबस्त असणार आहे. उद्या होणाऱ्या मतदानासाठी एकूण ३ पोलिस निरीक्षक, १४ सहाय्यक पोलीस निरीक्षक व पोलीस उपनिरीक्षक आणि ७३ अंमलदारांची नियुक्ती करण्यात आली आहे.
दरम्यान प्रशासनाच्या वतीने जय्यत तयारी या निवडणुकीसाठी करण्यात आली आहे. आचारसंहितेचा भंग जर केला तर त्याच्यावर ती कायदेशीर कारवाई करण्यात येईल असं प्रशासकीय अधिकारी संजय असोले (निवडणूक अधिकारी) यांनी स्पष्ट केले.
आचारसंहिता भंग करणाऱ्यांवर लक्ष ठेवण्यासाठी एक स्वतंत्र पथक नेमण्यात आले आहे. त्यात दोन अधिकारी आणि सहा अंमलदार आहेत अशी माहिती देहूरोड पोलिस ठाण्याचे पोलिस निरीक्षक रावसाहेब जाधव यांनी दिली.
edited by : siddharth latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
