अखेर काँग्रेस-वंचितच्या आघाडीची घोषणा, काँग्रेसच्या हाताला वंचितची साथ

अनेक दिवसांपासून प्रतिक्षेत असलेल्या काँग्रेस आणि वंचितच्या आघाडीने मुंबई महापालिकेसाठी संयुक्त पत्रकार परिषद घेत आघाडीची घोषणा केली... याच पत्रकार परिषदेत वंचितने आपल्याला मिळालेल्या जागांचा आकडाही जाहीर केलाय....

खरंतर 1998 मध्ये काँग्रेसच्या पाठींब्यावर भारिप बहुजन महासंघ पक्षातून प्रकाश आंबेडकर खासदार झाले...मात्र पुढे ही युती तुटली आणि काँग्रेस आणि प्रकाश आंबेडकर वेगवेगळे झाले... त्यानंतर अनेकदा काँग्रेस आणि प्रकाश आंबेडकरांच्या आघाडीची चर्चा झाली.. लोकसभा निवडणुकीत तर दोन्ही पक्षांनी जागा वाटपाची चर्चाही केली होती... मात्र जागा वाटपांवरुन ही चर्चा फिस्कटली आणि वंचितने स्वबळाचा नारा दिला... आता नगरपालिका निवडणुकीतील आघाडीनंतर महापालिकांसाठीही दोन्ही पक्ष एकत्र आलेत... मात्र वंचित आणि काँग्रेसच्या आघाडीमुळे कसे राजकीय समीकरण बदलण्याची शक्यता आहे?

मुंबईत काँग्रेसची 18-20 टक्क्यांची व्होटबँक

वंचित बहुजन आघाडीचीही 3 टक्के मत

धारावी, कुर्ला, चेंबूर, मानखुर्द, घाटकोपर, मुलुंडसह उपनगरातही वंचितचा प्रभाव

काँग्रेस आणि वंचितमुळे ठाकरेंना 20 जागांवर फटका बसण्याची शक्यता

वंचितला 62 जागा मिळाल्या असल्या तरी 2-3 जागांवर तिढा कायम आहे...त्यामुळे दोन्ही पक्षातला तिढा सुटणार की पुन्हा लोकसभेप्रमाणेच जागा वाटपावरुन आघाडी तुटणार? याकडे राज्याचं लक्ष लागलंय.. मात्र काँग्रेस आणि वंचितची आघाडीकडे धर्मनिरपेक्ष मतं वळाल्यास ठाकरेसेनेसोबतच भाजपलाही फटका बसण्याची शक्यता अधिक आहे...