Anganwadi Workers Strike : ५०० अंगणवाडी सेविकांना कारणे दाखवा नोटीस; कर्मचाऱ्यांची मात्र तटस्थ भूमिका

बुलढाणा : अंगणवाडी सेविका आपल्या मागण्यांसाठी मागील दीड महिन्यापासून संपावर गेल्या आहेत. मात्र त्यांच्या मागण्यांबाबत अद्याप निर्णय झालेला नाही. यामुळे राज्यातील अंगणवाडी सेविका संपावर ठाम आहेत. संपत सहभागी असलेल्या (Buldhana) बुलढाणा जिल्ह्यातील ५०० हुन अधिक सेविकांना प्रशासनाने करणे दाखवा नोटीस दिली आहे. (Maharashtra News)

राज्यातील अंगणवाडी कर्मचाऱ्यांचे (Anganwadi Workers) आपल्या विविध मागण्यांसाठी चार डिसेंबरपासून बेमुदत काम बंद आंदोलन सुरू आहे. अजून तोडगा निघाला नसल्याने संप कायम आहे. बुलढाणा जिल्ह्यातील जवळपास पाच हजार कर्मचारी हे संपात सहभागी आहेत. त्यापैकी नवीन नियुक्ती असलेल्या बुलढाणा जिल्ह्यातील जवळपास पाचशेच्यावर अंगणवाडी कर्मचाऱ्यांना कारणे दाखवा नोटीस बजावण्यात आली आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

सेविकांची तटस्थ भूमिका 

मागण्या मान्य करण्याऐवजी शासनाकडून आमच्या अंगणवाडी कर्मचाऱ्यांना कारणे दाखवा नोटीस देऊन धमकावल्या जात आहे. मात्र आम्ही कुठल्याही धमक्यांना घाबरणार नाही. मागण्या मंजूर होईपर्यंत आमच्या आंदोलनावर आम्ही ठाम असल्याची भूमिका अंगणवाडी कर्मचाऱ्यांनी घेतली आहे.