पिकअप– दुचाकीची समोरासमोर धडक; दुचाकीस्वाराचा जागीच मृत्‍यू

बुलडाणा : बुलडाणा येथे बोलेरो पिकअप मालवाहक गाडी व दुचाकीचा समोरासमोर अपघात झाला. या अपघातात दुचाकीस्वाराचा जागीच मृत्यू झाला. ही घटना बुलडाणा (Buldhana) शहरातील खामगाव रोडवरील वैष्णवीनगरजवळ घडली. (buldhana news Accident Pickup two wheeler one died on the spot)

माळविहीर येथील 26 वर्षीय दुचाकीस्वार राहुल देवराव आडवे असे अपघातात (Accident) मृत्यू झालेला तरुणाचे नाव आहे. राहुल हा बुलडाणा येथे कामानिमित्त आला होता. काम संपवून गावाकडे दुचाकीने माळविहीर येथे जात असताना खामगाववरुन बुलडाणाकडे भरधाव वेगाने येणाऱ्या बोलेरो पिकअपने दुचाकीला जोरदार धडक दिली. यात दुचाकीस्वार वर फेकला जावून खाली पडला. यात दुचाकीस्वाराचा जागीच मृत्‍यू (Death) झाला आहे.