Politcal News : बेडूक कितीही फुगला तरी हत्ती बनत नाही, शिवसेनेच्या जाहिरातीवरुन भाजप खासदाराचा घणाघात

Mumbai News : शिवसेनेच्या 'राष्ट्रात मोदी, महाराष्ट्रात शिंदे' या जाहिरातीचे पडसाद उमटू लागले आहे. कालपर्यंत मवाळ घेतलेले भाजप नेते आता आक्रमक होताना दिसत आहे. काल जाहिराती नवी जाहिरात देत भाजपची नाराजी दूर करण्याच प्रयत्न शिवसेनेकडून करण्यात आला, पण देवेंद्र फडणवीसांपेक्षा एकनाथ शिंदे  लोकप्रिय मुख्यमंत्री दाखवल्याची कृती भाजप नेत्यांना पटलेली दिसत नाही.

शिवसेनेच्या जाहिरात प्रकरणावर भाजपचे खासदार अनिल बोंडे यांनी घणाघात केला आहे. बेडूक कितीही फुगला तरी हत्ती बनत नाही, असं उदाहरण देत बोंडे यांनी मुख्यमंत्री एकनाथ शिंदे यांच्या जाहिरातीवरून निशाणा साधला.

शिंदेंना ठाणे महाराष्ट्र वाटू लागलाय

एकनाथ शिंदे चांगले मुख्यमंत्री आहेत. मात्र त्यांना त्यांच्या आजूबाजूचे लोक त्यांना चुकीचे सल्ले देत आहेत. शिंदे यांना ठाणे म्हणजे पूर्ण महाराष्ट्र वाटायला लागला आहे, असा टोलाही अनिल बोंडे यांनी लगावला. (Maharashtra Political News)

देवेंद्र फडणवीस हे सर्व समाजासाठी काम करतात. ते भाजपमधील मोठे नेते आहेत. त्याचं नाव खेड्यापाड्यासह इतर ठिकाणी निघत असते. हा सर्व्हे नेमका केला कुणी तो ठाण्यापुरत मर्यादित होता की महाराष्ट्रचा होता, असा सवालही बोंडे यांनी उपस्थित केला. पुढच्या काळात शिवसेनेला वाटचाल करायची असेल तर भाजप व जनतेचं मन दुखवून चालणार नाही, असंही बोंडे म्हणाले. (Latest Marathi News)

कालच्या वादानंतर नवी जाहिरात

कालच्या जाहिरातीवरून वाद झाल्यानंतर आज भाजप-शिवसेना युतीची नवी जाहिरात समोर आली आहे. या जाहिरातीमध्ये पंतप्रधान नरेंद्र मोदी, केंद्रीय गृहमंत्री अमित शहा, हिंदुह्रदयसम्राट बाळासाहेब ठाकरे आणि आनंद दिघे यांचा फोटो छापण्यात आला आहे.

याशिवास राज्याचे मुख्यमंत्री एकनाथ शिंदे यांच्यासोबतच उपमुख्यमंत्री देवेंद्र फडणवीस यांचाही फोटोही जाहिरातीत झळकला आहे. जनतेचा कौल शिवसेना-भाजप युतीलाच असा दावा सुद्धा जाहिरातून करण्यात आला आहे.