पालिका निवडणुकीतही 50 खोके, भाजप आमदाराच्या दाव्यानं खळबळ

शिवसेनेच्या फुटीनंतर विरोधकांच्या 50 खोके, एकदम ओक्के घोषणेची गल्लीपासून दिल्लीपर्यंत चर्चा रंगली होती.. मात्र शिंदेंना साथ देण्यासाठी कळमनुरीचे आमदार संतोष बांगरांनी 50 कोटी घेतल्याचा खळबळजनक आरोपच भाजप आमदार तानाजी मुटकुळेंनी केलाय.. त्यामुळं राज्याच्या राजकारणात एकच खळबळ उडालीय..

दुसरीकडे महायुतीचा घटकपक्ष असतानाही भाजप आमदारानेच शिंदेसेनेवर 50 खोक्यांचा आरोप केलाय.. त्यामुळं विरोधकांच्या हाती आयतं कोलित मिळालंय... खरंतर शिवसेना फुटीनंतर संतोष बांगरांनी शिंदेंना साथ देणाऱ्या आमदारांविरोधात मोर्चा काढला होता... एवढंच नाही तर संतोष बांगर उद्धव ठाकरेंसाठी मोर्चात रडलेही होते...

त्यामुळेच की काय उद्धव ठाकरेंसाठी रडलेले संतोष बांगर शिंदेंसोबत जाण्यामागे 50 खोके असल्याचा दावा भाजप आमदाराने केलाय.. तर शिंदेसेनेनं हा दावा फेटाळून लावलाय... त्यामुळे आधीच पैसे वाटून निवडणूका बिनविरोध केल्याचा महायुतीनप आरोप होत असताना आता भाजपनंच शिंदेसेनेवर ५० खोक्यांचा आरोप केलाय. त्यामुळे ठाकरेसेना पुन्हा एकदा शिंदेसेनेला ५० खोक्यांच्या आरोपांवरून घेणार का? शिंदेसेनेची डोकेदुखी वाढणार का ? याचीच आता चर्चा रंगलीय.