Bhandara Accident News: बसच्या धडकेत दुचाकीस्वार गंभीर जखमी; भंडाऱ्यातील सहकार नगर येथील घटना

शुभम देशमुख

Bhandara Accident News: भंडाऱ्यात बसच्या धडकेत दुचाकीस्वार गंभीर जखमी झाला आहे. ही बस प्रवासी घेऊन भंडारा-तुमसर मार्गे तिरोडा येथे जात होती. यावेळी अचानक या बसने एका दुचाकीस्वाराला समोरसामोर धडक दिली. या घटनेत दुचाकीस्वार गंभीर जखमी झाला असून त्याच्यावर रुग्णालयात उपचार सुरु आहेत. ही घटना सहकारनगर - शास्त्री चौक येथे घडली. प्रेमलाल बडवाईक (५५) रा. गंगानगर (खोकरला) असे जखमीचे नाव आहे. (Latest Marathi News)

संपूर्ण प्रकरण काय?

तिरोडा आगाराची एसटी बस (Bus) ही प्रवाशी घेऊन भंडारा- तुमसर मार्गे तिरोडा येथे भंडारा बसस्थानकावरुन निघाली. सहकारनगर ते शास्त्री चौक या दरम्यान प्रेमलाल हे आपल्या दुचाकीने घराकडे जात होते. या अचानक बसने दुचाकीला जबर धडक दिली.

यात प्रेमलाल दुरवर फेकल्या गेल्याने गंभीर जखमी झाला आहेत. अपघात घडताच घटनास्थळी नागरिकांनी धाव घेऊन जखमी प्रेमलाल यांना उपचाराकरीता जिल्हा सामान्य रुग्णालयात दाखल केले. (Accident News)

मात्र या अपघातात मोटारसायकलचे मोठे नुकसान झाले आहे. अपघातामुळे या मार्गावर काही काळ वाहतूक विस्कळीत झाली होती. अपघाताची माहिती भंडारा पोलीसांना मिळताच त्यांनी घटनास्थळ गाठून वाहतूक सुरळीत केली. घटनेचा प्राथमिक तपास पोलीस उपनिरीक्षक भोयर करीत आहेत.