मध्यरात्रीचा थरार..पतीला दोरीने बांधून डोळ्यादेखत केला महिलेचा खून

बीड : बीड तालुक्यातील रंजेगावमध्ये मध्यरात्री पतीला दोरीने बांधून महिलेचा खून केल्याची धक्कादायक घटना उघडकीस आली आहे. या घटनेने खळबळ उडाली असून गावांमध्ये भीतीचे वातावरण आहे. ज्योती दिनेश अबुज खून (Crime News) झालेला मयत महिलेचे नाव आहे. (beed crime news murder of a woman by tying her husband with a rope)

बीड (Beed) तालुक्यातील रंजेगावात दिनेश अबुज हे पत्नी ज्‍योती व दोन मुलांसह घरात झोपले होते. यादरम्यान अज्ञात व्यक्तींनी घरात प्रवेश करून दिनेश यांना दोरीने बांधले व पत्नीचा खून केला. अशी माहिती पोलीस स्टेशनला मिळाली. त्यावरून पोलीसांनी (Police) प्रत्यक्ष घटनास्थळी जाऊन पाहणी केली असून मृतदेह ताब्यात घेत शवविच्छेदनासाठी बीडला पाठविला आहे. दरम्यान या घटनेने खळबळ उडाली असून आरोपींना तात्काळ अटक करावी अशी मागणी गावकरी करत आहे.

अत्‍याचार झाल्‍याचा गावकऱ्यांचे म्‍हणणे

प्रत्यक्षदर्शी गावकऱ्यांनी सांगितलेल्या माहितीनुसार नवऱ्याला दोरीने बांधून महिलेवर अत्याचार केल्याचा आरोप गावकऱ्यांनी केला आहे. मात्र हा अत्याचार नसून खून आहे. तपासाअंती सत्य बाहेर येईल; अशी माहिती पिंपळनेर पोलिसांनी दिलीय.