Aurangabad RTO: नादच खुळा! वाहनांच्या चॉईस नंबरसाठी औरंगाबादकरांनी मोजले कोट्यवधी रुपये; '9' नंबर सर्वात लकी...

aurangabad rto choice number: 1111, 5555, 4444, 7777, असे एकच आकडे वाहनधारकांना पसंत पडतात, त्यामुळे महसुलात औरंगाबाद आरटीओ मालामाल झालं आहे.
Aurangabad RTO News
Aurangabad RTO NewsSaam TV

Aurangabad Latest News: औरंगाबादकरांच्या हौशेला काही मोल नाही. कारण एकाच वेळेस शंभर मर्सिडीज आणि अडीचशेहुन अधिक EV कार खरेदी करणाऱ्या औरंगाबादकरांच्या आवडीच्या नंबरसाठी तब्बल २०२१-२०२२ या वर्षात ७ कोटी खर्च केलेत. त्यामुळे महसुलात औरंगाबाद आरटीओ मालामाल झालं आहे. (vip number rto)

Aurangabad RTO News
Mahavikas Aghadi Morcha: मविआच्या मोर्चासाठी दोन ते अडीच हजार पोलिसांसह SRPFची चोख सुरक्षा; ड्रोनद्वारे ठेवली जाणार नजर

कोल्हापुरात जसा नाद खुळा असतो, तशी औरंगाबादकरांची (Aurangabad) हाऊस पण जबरा असते. एकदा ठरलं की सगळी धूम असते. महागडी कार, महागडी वाहने खरेदीची हौस तरी जुनीच आहे. पण त्या गाड्यासाठी लागणाऱ्या नंबरसाठी औरंगाबादकरांनी २०२१-२०२२ या काळात तब्बल सात कोटी रुपये मोजलेत. नवीन गाडी घेतल्यानंतर कोणी आपला पसंतीचा क्रमांक, कोणी पूर्ण क्रमांकांची बेरीज आपल्या पसंतीक्रमांकाची आली पाहिजे, यासाठी वाट्टेल ती किंमत मोजतो.

वर्षभराच्या काळात चारचाकी किंवा दुचाकीच्या पसंती क्रमांकासाठी तब्बल ६ कोटी ५२ लाख ३४ हजार ५०० रुपये औरंगाबादकरांनी मोजले आहेत. औरंगाबाद आरटीओ कार्यालयांतून २०२१-२०२२ या वर्षात ७ हजार १६० वाहनांच्या पसंती क्रमांकासाठी शहरवासीयांनी करोडो रुपये मोजल्याचे समोर आले आहे.  (Maharashtra News)

अनेक वाहनधारक नवीन वाहन घेताना आपल्या पसंतीच्या क्रमांकासाठी धडपड करत असतात. त्या क्रमांकासाठी कोणतीही किंमत मोजण्यास तयार असतात. विशेष म्हणजे '9' या क्रमांकातून सर्वाधिक महसूल मिळाला. वाहनधारक आपला लकी किंवा आवडीचा क्रमांक म्हणून ९ नंबरची मागणी मोठ्या प्रमाणात करत केली. त्या पाठोपाठ 1111, 5555, 4444, 7777, असे एकच आकडे वाहनधारकांना पसंत पडतात, त्यामुळे महसुलात औरंगाबाद आरटीओ मालामाल झालं आहे. (Latest Marathi News)

Aurangabad RTO News
Sanjay Raut: बाबासाहेब आंबेडकरांचा जन्म महाराष्ट्रातला; संजय राऊतांच्या वक्तव्याने नवा वाद, नितेश राणे म्हणाले...

चॉईस नंबरसाठी कोट्यवधीची उधळण करणारे औरंगाबादकर कधी कधी आवडीच्या नंबरची सिरीज येईपर्यंत गाडीही खरेदी करीत नाहीत. इतकंच नाही तर एकाच नंबरसाठी अनेकांची मागणी असेल तर बोली लावून लागेल तितके पैसे मोजायलाही ते मागे पुढे पाहत नाहीत, त्यामुळे औरंगाबादकरांच्या या हौशेचीही चर्चा तर होणारच.

Edited By - Akshay Baisane

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com