राजेश भोस्तेकर -
रायगड : अल्पवयीन मुलीवर बलात्कार करणाऱ्या आरोपीला अलिबाग विशेष सत्र न्यायालयाने (Alibag Special Sessions Court) दहा वर्षांची सक्त मजुरीची शिक्षेसोबत 50 हजार रुपयांचा दंडही ठोठावला आहे. राकेश संजय शिंदे असे शिक्षा सूनवलेल्या आरोपीचे नाव आहे. सदर घटना अलिबाग तालुक्यात मांडवा हद्दीत 13 ऑगस्ट 2015 रोजी घडली होती. आरोपी राकेश संजय शिंदे याची 15 वर्षाच्या पिडीत मुलीशी ओळख होती. ती अल्पवयीन असल्याचे त्याला माहीत होते. मात्र तरीही त्याने तिला लग्नाचे अमिष दाखवून पालकांच्या कायदेशीर ताब्यातून पळवून नेले. नंतर शिर्डी, रांजणगाव, पुणे (Shirdi, Ranjangaon, Pune) येथे नेऊन तीच्यावर जबरदस्तीने शाररीक संबध प्रस्तापित केले. या प्रकरणी मांडवा पोलीस ठाण्यात Police Station गुन्हा दाखल करण्यात आला होता.. (Accused sentenced to 10 years in rape case)
हे देखील पहा -
पोलीसांनी तपास करून अलिबाग येथील विशेष सत्र न्यायालयात आरोपी राकेश संजय शिंदे याच्याविरोधात दोषारोप पत्र दाखल केले. या प्रकरणाची सुनावणी विशेष अतिरीक्त सत्र न्यायाधीश -1 शईदा शेख Shaida Sheikh यांच्या न्यायालयात झाली. यावेळी शासकीय अभियोक्ता म्हणून स्मिता राजाराम धुमाळ यांनी काम पाहिले. सुनावणी दरम्यान एकुण 13 जणांच्या साक्षी नोंदविण्यात आल्या. यात पिडीत मुलगी, वैद्यकीय अधिकारी रमेश कराड, तपासिक अमंलदार यशवंत सोळसे, शिर्डी रांजणगाव आणि पुणे येथील लॉजचे मालक आणि फिर्यादी यांची साक्षी महत्वाच्या ठरल्या. दोन्ही बाजुचे युक्तीवाद ऐकल्यानंतर न्यायालयाने शासकीय अभियोक्ता स्मिता धुमाळ यांचा युक्तीवाद ग्राह्य धरला.
आरोपी राकेश शिंदे याला भादवी कलम 363, 366 अ,376 तसेच पॉस्को कायद्यातील (POSCO Act) कलम 3 आणि 4 मधील तरतुदीं आतर्गत दोषी ठरविले, आणि दहा वर्षांची सक्त मजुरीची शिक्षा ठोठावली. याशिवाय 50 हजार रुपयांचा दंडही ठोठावला. ज्यातील 30 हजार रुपये पिडीत मुलीला देण्याचे आदेशही न्यायाधिशांनी दिले.
Edited By - Jagdish Patil
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
