Mahayuti News : महायुतीच्या जागावाटपाच्या तिढा कायम; भाजपच्या २० जागा, शिवसेना-राष्ट्रवादीचं काय?

आवेश तांदळे | मुंबई

Mumbai News :

लोकसभा निवडणुकीच्या तारखांची घोषणा झाली आहे. मात्र महायुतीचा जागावाटपाचा तिढा अद्याप सुटलेला नाही. भाजपने राज्यात २० जागांची घोषणा केली आहे. त्यामुळे भाजपला २० हून अधिक जागा मिळणार हे स्पष्ट झालं आहे. मात्र शिवसेना (शिंदे गट) आणि राष्ट्रवादी काँग्रेस (अजित पवार गट) यांना किती जागा मिळणार हे अद्याप स्पष्ट नाही. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

महायुतीच्या जागावाटपाचा तिढा याकडे सर्वांचं लक्ष आहे. मुख्यमंत्री एकनाथ शिंदे, देवेंद्र फडणवीस, अजित पवार यांच्यात बैठका सुरु आहे. मात्र अद्याप जागावाटपाबाबत ठोस माहिती समोर आलेली नाही. (latest politics news)

राज्यातील तिन्ही बड्या नेत्यांची अमित शाह आणि जेपी नड्डा यांच्यासोबत देखील चर्चा झाली आहे. अमित शाहा मुंबई आले होते त्यावेळी देखील जागावाटपाबाबत चर्चा झाली होती. महायुतीच्या जागावाटपाची चर्चा अंतिम टप्प्यावर आहे. त्यामुळे लवकरत जागावाटपाचा तिढा सुटेल अशी आशा वर्तवली आहे.

कुणीला किती जागा मिळणार?

मुख्यमंत्री एकनाथ शिंदे यांच्या शिवसेनेला १३ तर अजित पवार यांच्या राष्ट्रवादीला ४ जागा मिळण्याची शक्यता वर्तवली जात आहे. तर भाजपला ३१ जागा मिळतील असं देखील बोललं जात आहे.