पंतप्रधान नरेंद्र मोदी तिसऱ्यांदा सत्तेत आल्यास सर्व विरोधी नेत्यांना तुरुंगात पाठवले जाईल, असा दावा पश्चिम बंगालच्या मुख्यमंत्री ममता बॅनर्जी यांनी सोमवारी केला. 4 जूननंतर भ्रष्टाचारावर कारवाई करण्याचे आश्वासन (मोदी यांचं) म्हणजे लोकसभा निवडणुकीनंतर विरोधी नेत्यांना तुरुंगात पाठवले जाईल, असे त्या म्हणाले.
दरम्यान, देशात लोकसभा निवडणुकीला सुरुवात झाली असून सात टप्प्यात होणाऱ्या मतदानाला पहिल्या टप्प्यात 19 एप्रिलला सुरुवात होणार आहे, तर मतमोजणी 4 जूनला होणार आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
त्या म्हणाल्या की, ''पंतप्रधान पश्चिम बंगालमध्ये निवडणूक सभेला संबोधित करण्यासाठी येत आहेत. मला त्यात काही अडचण नाही, पण लोकसभा निवडणुकीच्या निकालानंतर भ्रष्टाचारावर विरोधकांवर कारवाई केली जाईल, असे ते ज्या पद्धतीने सांगत आहेत, ते अस्वीकार्य आहे.'' असं पंतप्रधान मोदी रविवारी उत्तर बंगालमधील जलपाईगुडी येथील सभेत म्हणाले होते. निवडणूक सभेला संबोधित करताना, ते म्हणाले होते की ते भ्रष्टाचार हटवण्याबद्दल बोलतात, तर विरोधक भ्रष्टाचार वाचवण्याबद्दल बोलतात. (Latest Marathi News)
याचबद्द बोलताना ममता बॅनर्जी म्हणाल्या, 'पंतप्रधानांनी असे बोलावे का? निवडणुकीनंतर भाजपच्या नेत्यांना तुरुंगात टाकणार, असे मी म्हणाले तर? पण मी तसे म्हणणार नाही. कारण लोकशाहीत हे मान्य नाही.'' त्यांनी आरोप केला की, 'मोदींच्या गॅरंटीचा अर्थ सर्व विरोधी नेत्यांना 4 जूननंतर तुरुंगात टाकणे असा आहे.'
दरम्यान, 2022 च्या पूर्व मेदिनीपूर जिल्ह्यातील बॉम्बस्फोटांच्या संबंधात दोन प्रमुख संशयितांना अटक करण्यासाठी गेलेल्या एनआयए टीमवर शनिवारी जमावाने हल्ला केला होता. या घटनेबाबत राजकीय आरोप-प्रत्यारोपांच्या फैरी सुरू झाल्या आणि ममता बॅनर्जी यांनी फेडरल इन्व्हेस्टिगेशन एजन्सीच्या पथकाने गावकऱ्यांवर हल्ला केल्याचा आरोप केला. एनआयए टीमच्या आधी बंगालमध्ये ईडी टीमवरही हल्ला झाल्याची घटना घडली आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.