Tourist Places in Rishikesh: ऋषिकेश जवळील नयनरम्य ठिकाणं; कमी खर्चात करा भरपूर एन्जॉय

उन्हाळ्याच्या सुट्ट्या अजून संपलेल्या नाहीत. त्यामुळे अनेक पर्यटनप्रेमी विविध ठिकाणे एक्सप्लोअर करत आहेत. आता तुम्हाला कमी बजेटमध्ये आणि कमी गर्दी असलेल्या ठिकाणी फिरायचे असेल तर आम्ही तुमच्यासाठी ऋषिकेशमधील काही सुंदर पर्यटनस्थळे शोधून आणली आहेत.

डेडीताल तलाव

ऋषिकेशमध्ये जाऊन तुम्हाला नैनितालचा फिल घ्यायचा असेल तर उत्तकाशीमध्ये असलेल्या डोडीताल या तलावाला भेट द्या. हे तलाव आकाराने फार मोठं आहे. रात्रीच्यावेळी येथे होणारी विद्यूतरोषणाई पाहून तुमचेही डोळो दिपतील. तलावाच्या काठावर आरामात बसण्यासाठी जागा देखील आहे. हे ठिकाण ऋषिकेशपासून केवळ ९० किलोमिटर अंतरावर आहे.

लांदूर

उत्तराखंडमध्ये वसलेलं लांदूर म्हणजे डोळ्यांचं पारणं फेडणारं ठिकाण. येथे अतिशय शांतात आणि फक्त निसर्गाचं सौंदर्य पाहायला मिळतं. उन्हाळ्यात देखील येथे अतिशय थंड आणि शांत वारे वाहतात. तुमच्या कुटुंबीयांसह किंवा मित्र परिवारासह तुम्ही या ठिकाणी आवश्य भेट देऊ शकता.

कानातल

उत्तराखंडमध्ये अनेक सुंदर पर्यटन स्थळं आहेत. मात्र येथे भेट दिल्यावर सर्वत्र माणसांची गर्दी पाहायला मिळते. त्यामुळे आम्ही येथील एक शांत ठिकाण शोधून काढलं आहे. कानातल ही जागा उंच टेकडी आणि डोंगरांवर आहे. येथून संपूर्ण शहर अगदी चित्रपट आणि कथेतील सुंदर वास्तूंप्रमाणे असल्याचं दिसतं.

उन्हाळ्याच्या सुट्टीत आता तुम्ही देखील स्वत:च्या आणि मामाच्या गावी जाऊन कंटाळले असाल आणि ऋषिकेशला जाण्याचा प्लान केला असेल तर ही निवडक ठिकाणे तुमच्यासाठी उत्तम आहेत.