सकाळच्या नाश्त्यासाठी हा आहे योग्य पर्याय

मुंबई: बऱ्याचदा सकाळी नाश्ता काय करावा हा प्रश्न घरातील गृहिणींना पडतो. नाश्त्याचा विचार करताना आपण अनेकदा दूध (Milk), चहा, ज्युस किंवा ब्रेड इत्यादींना प्राधान्य देतो. सामान्यतः हाच नाश्ता दररोज घरांमध्ये दिला जातो. (Morning breakfast Recipes in Marathi)

हे देखील पहा -

दिवसाच्या सुरुवातीला आपण नाश्त्यामुळे द्विधा मन:स्थितीत अडकतो. त्यामुळे आज काय बनवायचे हा प्रश्न सतत पडत असतो. आपल्यापैकी बऱ्याच जणांना चाट खायला आवडते पण हा चाट आपण सकाळी बनवून दिवसाची सुरुवात केली तर घरातील सगळ्या सदस्यांना आवडते. त्यासाठी आपण चाट रेसिपी बनवणार आहोत.

पोहे चाट

नाश्त्यात पोहे हे पचण्यास हलके असतात व शरीरासाठी देखील खूप चांगले मानले जाते. त्याच्या मदतीने आपण आज चाट बनवणार आहोत.

साहित्य-

तेल (Oil) - २ चमचे

जाड पोहे - २ कप

बारीक चिरलेला कांदा - अर्धा कप

बारीक चिरलेला टोमॅटो - अर्धा कप

चिरलेली काकडी - २ चमचे

किसलेले गाजर - अर्धा कप

हिरवी चटणी - १ चमचा

चिंचेची चटणी - १ चमचा

मिरची पावडर - १ मोठा चमचा

जिरे पावडर - १ मोठा चमचा

चाट मसाला - १ मोठा चमचा

बारीक चिरलेला कोथिंबीर - २ चमचे

अर्धा लिंबू

आवश्यकतेनुसार बारीक शेव

कृती -

प्रथम कढईत २ चमचे तेल गरम करून त्यात पोहे घाला. पोहे कुरकुरीत होईपर्यंत तळून घ्या. त्यानंतर चाट बनवण्यासाठी एका भांड्यात कांदा, टोमॅटो, काकडी आणि गाजर घ्या. तसेच त्यात हिरवी चटणी, चिंचेची चटणी, १/२ चमचा तिखट, १/२ चमचा जिरेपूड, १ १/२ चमचा चाट मसाला, बारीक चिरलेला कोथिंबीर आणि १/२ लिंबू पिळा. हे मिश्रण चांगले मिसळा. त्यात भाजलेले पोहे आणि बारीक शेव घालून मिश्रण चांगले एकजीव करा. त्यावर थोडे चिरलेले कांदे टाका आणि पोहे चाट चा आस्वाद घ्या.

Edited By - Komal Damudre