Google New Phone Launch : Pixel 8 सिरीज असेल कॅमेरा एक्सपर्ट! गुगलचा नवा फोन लॉन्च होण्यापूर्वी लीक, जाणून घ्या फीचर्स

New Phone Launch : Google Pixel 7a बाजारात आणल्यानंतर आता कंपनी Pixel 8 मालिकेवर लक्ष केंद्रित करत आहे. Pixel 8 सीरीज या वर्षाच्या अखेरीस लॉन्च होऊ शकतो. लॉन्च होण्याआधी, मोबाईल फोनचे स्पेक्स ऑनलाइन लीक होऊ लागले आहेत. अँड्रॉइड ऑथॉरिटीच्या म्हणण्यानुसार, कंपनी नवीन सीरिजमध्ये काही महत्त्वाचे बदल करणार आहे ज्यामुळे यूजर्सचा अनुभव बदलता येईल. नवीन सिरीजमध्ये तुम्हाला कोणत्या प्रकारचा डिस्प्ले मिळेल ते जाणून घ्या.

Google Pixel 8 आणि Pixel 8 Pro बाबत अनेक बातम्या येत आहेत . असे म्हटले जात आहे की ते हाय-रिझोल्यूशन सेन्सरसह सादर केले जाऊ शकतात. या दोन्ही फोनमध्ये Tensor G3 प्रोसेसर दिला जाऊ शकतो. दोन्ही फोनमध्ये (Phone) सॅमसंग GN1 सेन्सरसह 50-मेगापिक्सेलचा सेन्सर आहे. हा कॅमेरा 1.4μm पिक्सेल आणि 1/1.12 इंच ऑप्टिकलने सुसज्ज आहे. हे GN1 पेक्षा 35 टक्के जास्त प्रकाश कॅप्चर करण्यास पूर्णपणे सक्षम आहे. यासह, 8K 30fps व्हिडिओ देखील कॅप्चर केले जाऊ शकतात.

Pixel 8 मालिकेत थर्मामीटर उपलब्ध असेल

91 मोबाईलच्या रिपोर्टनुसार, कंपनी Google Pixel 8 Pro मध्ये इनबिल्ट थर्मामीटर देईल. याचा एक व्हिडिओही ऑनलाइन (Online) लीक झाला आहे.या थर्मामीटरचा वापर शरीराचे तापमान मोजण्यासाठी करता येतो. Pixel 8 Pro मध्ये Tensor G3 चिपसेट आणि 6.7-इंचाचा डिस्प्ले मिळू शकतो. नवीन मालिकेच्या दोन्ही स्मार्टफोन्सना 120hz च्या रिफ्रेश रेटला सपोर्ट करणारा डिस्प्ले मिळू शकतो.

या फोन्समध्ये अॅडाप्टिव्ह टॉर्च दिली जाऊ शकते. हे फ्लॅश तीव्रतेसह गतिमानपणे समायोजित होते. यामध्ये कॅप्चर मोड देखील दिला जाऊ शकतो. सिनेमॅटिक मोडसह या फोनमध्ये ब्लर लेव्हल सिलेक्शन फीचरही दिले जाऊ शकते.

दुसर्‍या रिपोर्टनुसार, Pixel 8 Pro वर अल्ट्रा-वाइड-एंगल कॅमेरा (Camera) दिला जाऊ शकतो. यामध्ये 64 मेगापिक्सलचा Sony IMX787 कॅमेरा दिला जाऊ शकतो. त्याच वेळी, हे ऑप्टिकल इमेज स्टॅबिलायझेशन (OIS) सह येते. याचा अर्थ असा आहे की त्यातून मॅक्रो मोड काढला जाऊ शकतो. सेल्फी कॅमेर्‍याबद्दल बोलायचे झाले तर, दोन्ही फोनमध्ये 11-मेगापिक्सलचा सेन्सर दिला जाऊ शकतो. Pixel 8 Pro मध्ये 5X ऑप्टिकल टेलीफोटो कॅमेरा देखील दिला जाईल.