साजूक तूप हे आपल्या शरीरासाठी अत्यंत गुणकारी आणि फायदेशीर मानलं जातं. अनेक जुन्या व्यक्ती तुपापासून बनवल्या जाणाऱ्या पदार्थांचं सेवन करायचे म्हणूनच त्यांची हाडे मजबूत असायची आणि त्यांचं आयुष्य देखील जास्त असायचं. अशातच सोशल मीडियावर सध्या एक ट्रेंड वायरल होताना पाहायला मिळत आहे.
या ट्रेंडमध्ये असं सांगण्यात आलंय की तुम्ही जर दररोज सकाळी रिकाम्या पोटी एक चमचा साजूक तुपाचं सेवन केलं तर तुमच्या शरीराला आणि आरोग्याला द्विगुणीत फायद्यांचा लाभ घेता येईल. त्यामुळे हा ट्रेन्ड नेमका आहे आणि तूप खाल्ल्याने आपल्या आरोग्याला नेमके काय फायदे होतात ते जाणून घेऊ.
वेटलॉस
तुपामुळे वजन कमी करणे शक्य आहे. पोटावरची चरबी कमी करण्यासाठी तूप अत्यंत फायदेशीर मानले जाते. तुपामुळे शरीरातील मेटापॉलिझम नियंत्रित राहते. सोबतच रिकाम्यापोटी एक चमचा तूप खाल्ल्यास दिवसभर जास्त भूक लागत नाही. त्यामुळे आपण अधिक खाण्यापासून वाचतो आणि म्हणूनच तुपामुळे वजन झपाट्याने कमी होतं.
शरीर तंदुरुस्त राहते
तुपामध्ये उपलब्ध असलेले विटामिन ए, ब्युटीरिक ऍसिड आणि ओमेगा फॅटी ऍसिड उपलब्ध असतात. तुपामध्ये असलेल्या या गुणधर्मामुळे तुमचे शरीर कोणत्याही आजारापासून लढण्यासाठी परिपूर्ण असते. त्यामुळे तुमची रोगप्रतिकारक शक्ती वाढते. काही आजार असल्यास तो देखील लवकर बरा होतो.
चमकदार केसांसाठी फायदेशीर
दररोज तुपाचं सेवन केल्याने तुमच्या केसांचे आरोग्य चांगले राहते. केस मुळापासून मजबूत होतात आणि काळे, घनदाट होण्यास मदत होते. एवढेच नाही तर तुपामध्ये मॉइश्चरायझिंग गुणधर्म आढळतात. ज्यामुळे डोक्यावरची त्वचा आणि चेहऱ्याची त्वचा मऊ राहते. याने केस चमकदार बनण्यासाठी मदत होते.
मजबूत हाडे
तुपाचं सेवन नियमितपणे केल्यास हाडे मजबूत बनतात. हाडांमधील कॅल्शियम कमी झाल्याने हाडे ठिसूळ होऊन सांधेदुखी, कंबरदुखी यांसारखे दुखणे बळावते. म्हणूनच दररोज तूप खा आणि सुदृढ आयुष्य जगा. वृद्ध व्यक्तींना देखील सांदे दुखीच्या समस्या असतात. त्यामुळे त्यांना तुपात बनलेले पदार्थ खाण्यासाठी द्यावेत.
टीप : ही फक्त सामान्य माहिती आहे. साम टीव्ही तुपाच्या फायदांचा पूर्ण दावा करत नाही.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.