Bhagat Singh Jayanti 2023 : क्रांतिवीर भगतसिंग यांच्या जीवनाशी संबंधित या चार गोष्टी जाणून घ्या, वाढेल देशभक्तीची भावना

Bhagat Singh Jayanti :

भारताला इंग्रजांच्या गुलामगिरीतून मुक्त करण्यासाठी अनेक वीरांनी आपल्या प्राणांची आहुती दिली. स्वातंत्र्यलढ्यात अनेक भारतीय शूर सुपुत्र सहभागी झाले होते. काहींना बापूंनी दाखवलेल्या मार्गावर चालत अहिंसेच्या मार्गाने स्वातंत्र्याचा मार्ग निवडला, तर काहींनी ब्रिटीशांच्या विरोधात उभे राहिले.

या शूरविर क्रांतिकारकांपैकी एक शूरविर म्हणजे भगतसिंग, त्यांचा जन्म 28 सप्टेंबर 1907 रोजी झाला. भगतसिंग यांनी देशाला स्वतंत्र करण्यासाठी इंग्रजांविरुद्ध अनेक पाऊले उचलली होती. मध्यवर्ती विधानसभेत बॉम्ब फेकून स्वातंत्र्याच्या मागणीचा आवाज प्रत्येक देशवासीयांच्या कानापर्यंत पोहोचवला. तुरुंगात इंग्रज सरकारकडून (Government) छळ सहन करूनही भगतसिंग यांनी स्वातंत्र्याची मागणी सुरूच ठेवली.

ब्रिटीशांनी त्यांना फाशीची शिक्षा सुनावली पण नियोजित तारखेच्या एक दिवस आधी म्हणजे 23 मार्च 1931 रोजी भगतसिंग, सुखदेव आणि राजगुरू यांना फाशी दिली. आज हुतात्मा क्रांतिकारक भगतसिंग यांची जयंती. भगतसिंग यांच्या जयंतीनिमित्त जाणून घ्या त्यांच्या जीवनाशी निगडित अशा काही गोष्टी ज्यामुळे देशभक्तीची भावना वाढेल.

सेंट्रल असेंब्लीमधील बॉम्बस्फोट

शहीद भगतसिंग यांनी स्वातंत्र्यलढ्याला घराघरात (Home) पोहोचवण्यासाठी मोठा स्फोट घडवला. या स्फोटाची प्रतिध्वनी ब्रिटीश सरकारसह प्रत्येक देशवासीयांच्या कानापर्यंत पोहोचवली. खरे तर आपली मागणी इंग्रजांपर्यंत पोचवण्यासाठी त्यांनी 8 एप्रिल रोजी सेंट्रल असेंब्लीमध्ये बॉम्बस्फोट केला. या स्फोटाचा उद्देश कोणाला दुखावण्याचा नव्हता, तर स्फोटाची प्रतिध्वनी देशातील वृत्तपत्रांपर्यंत पोहोचवण्याचा होता. त्याच्यासोबत बटुकेश्वर दत्तला बॉम्ब फेकल्याप्रकरणी अटक करून दोन वर्षांची शिक्षा झाली होती.

तुरुंगातील आंदोलन

शिक्षा ही फक्त सुरुवात होती, भगतसिंग यांचे आंदोलन तुरुंगातही सुरूच होते. त्यांनी लेख लिहून क्रांतिकारी विचार मांडले. त्यांना हिंदी, पंजाबी, उर्दू, बंगाली आणि इंग्रजी भाषा ज्ञात होती. त्यामुळे त्यांचा संदेश देशभर पोहोचवण्यासाठी त्यांनी कठोर प्रयत्न सुरू ठेवले. न्यायालयीन कामकाजादरम्यान, जेव्हा-जेव्हा कोर्टात पत्रकार असले की भगतसिंग हे स्वातंत्र्याच्या मागणीसंदर्भात उत्कट भाषण करायचे.

तुरुंगात असताना

राजगुरू आणि सुखदेव यांच्यासह भगतसिंग यांना न्यायालयाने फाशीची शिक्षा (Punishment) सुनावली होती. 24 मार्च 1931 रोजी त्यांना फाशी देण्यात येणार होती, पण देशवासीयांच्या रोषाला घाबरून इंग्रजांनी एक दिवस आधी त्यांना गुपचूप फाशी देण्याचा निर्णय घेतला.

सरकार भगतसिंगांना घाबरत होते

भगतसिंग, सुखदेव आणि राजगुरू यांच्या फाशीच्या विरोधात देशभरात आंदोलने सुरू झाली. वातावरण बिघडेल आणि 23 मार्च 1931 रोजी 7:30 वाजता भगतसिंग यांना गुपचूप फाशी दिली. या काळात एकही दंडाधिकारी देखरेख ठेवण्यास तयार नव्हता. हौतात्म्यापर्यंत भगतसिंग इंग्रजांच्या विरोधात घोषणा देत राहिले.