Running vs walking: वजन कमी करण्यासाठी धावणे की चालणे, काय योग्य?

धावणे आणि चालणे हे सोपे व फायदेशीर व्यायाम आहेत. धावणे जास्त कॅलरी बर्न करते व हृदयासाठी उत्तम असते, तर चालणे कमी ताणदायक असून दीर्घकाळ टिकवता येते. वजन कमी करणे, मानसिक स्वास्थ्य आणि फिटनेससाठी दोन्ही उपयुक्त आहेत.

७० किलो वजनाच्या व्यक्तीसाठी, चालताना प्रति किमी सुमारे ५६ कॅलरीज आणि धावताना सुमारे ७४ कॅलरीज खर्च होतात. त्यामुळे धावणे अधिक कॅलरीज बर्न करते. तरीही, कमी प्रभावाचा आणि सहज व्यायाम म्हणून चालणे फायदेशीर ठरते.

वेळेच्या मर्यादेमुळे अनेकदा चालणे किंवा धावणे यापैकी एक निवडावी लागते. धावणे 1 किमी साठी सुमारे 6 मिनिटे घेतं, तर चालण्यास 12 मिनिटे लागतात. वेळ कमी असेल तर धावणे उपयुक्त ठरतं, तर चालणे आरामदायक असून परिसराचा आनंद घेता येतो.

धावल्यामुळे गुडघे आणि कंबरेवर ताण येतो, ज्यामुळे सांध्यासंबंधी दुखापती होण्याची शक्यता वाढते. त्यामुळे सांध्याच्या त्रास असलेल्या किंवा सौम्य व्यायाम हवा असलेल्या लोकांसाठी चालणे अधिक सुरक्षित पर्याय आहे. धावणे जलद परिणाम देते, पण चालणे दीर्घकालीन आरोग्यासाठी फायदेशीर ठरू शकते.

चालणे आणि धावणे दोन्ही हृदयासाठी फायदेशीर आहेत. धावल्यामुळे हृदयविकाराने मृत्यूचा धोका ४५% ने कमी होतो, कारण धावणे तीव्र व्यायाम आहे. चालणे कमी तीव्रतेचे असले तरी, नियमित आणि जास्त वेळ चालल्यास दीर्घकालीन फायदे मिळतात.

धावल्यामुळे पाय, धड आणि हातातील स्नायू अधिक बळकट होतात व ताकद आणि सहनशक्ती जलद वाढते. मात्र, नवशिक्यांसाठी किंवा दुखापतीनंतर चालणे हे सुरक्षित आणि उपयुक्त पर्याय असून स्नायूंचा टोन सुधारण्यास मदत होते.

चालणे ही शांत आणि ध्यानात्मक क्रिया आहे, जी तणाव कमी करते आणि मूड सुधारते. धावल्याने एंडोर्फिन्स स्रवतात, जे मूड आणि मानसिक लवचिकतेस मदत करतात. मात्र, धावणे काहींसाठी कठीण असते. त्यामुळे मानसिक आरोग्यासाठी चालणे हा अधिक सोपा आणि फायदेशीर पर्याय ठरतो.

चालणे सोपे आणि सर्वांसाठी सुलभ असते; विशेष उपकरणांची गरज नसते. धावण्यासाठी चांगले बूट, वॉर्म-अप आणि सहनशक्ती लागते. चालणे सर्व पातळ्यांवरील लोकांसाठी योग्य, तर धावणे जास्त तंदुरुस्ती लाभ देणारे असते.

Edited By - Purva Palande