आपल्या सामाजिक जीवनात विवाह ही सर्वात महत्वाची गोष्ट आहे आणि प्रत्येक व्यक्तीला यशस्वी वैवाहिक जीवन जगायचे असते. जेणेकरून तो आनंदाने आणि शांततेने आयुष्य जगू शकेल.
चाणक्यांनी चाणक्यनीतीमध्ये यशस्वी विवाहाची अनेक रहस्ये सांगितली आहेत. आचार्य चाणक्यांनी अशा काही व्यक्तींबद्दल सांगितले आहे ज्या प्रेमाच्या बाबतीत कधीच अयशस्वी होत नाही.
चौथ्या शतकातील प्रसिद्ध भारतीय तत्त्वज्ञ आणि अर्थशास्त्रज्ञ चाणक्य यांनी सुखी वैवाहिक जीवनासाठी अनेक व्यावहारिक सूचना दिल्या आहेत.
चाणक्याचा असा विश्वास होता की, परस्पर आदर आणि प्रशंसा हे सुसंवादी नातेसंबंधासाठी खूप महत्वाचे आहे. जोडप्यांनी एकमेकांची ताकद आणि व्यक्तिमत्त्व समजून घेण्यावर त्यांनी भर दिला आहे. तरच लग्न अथवा प्रेम टिकते.
चाणक्यांनी निष्ठा आणि विश्वास हा यशस्वी विवाहाचा पाया असल्याचे सांगितले. त्यांनी जोडप्यांना एकमेकांशी एकनिष्ठ राहून परस्पर विश्वास आणि समजूतदारपणावर आधारित नाते निर्माण करण्याचा सल्ला दिला आहे.
आनंदी आणि यशस्वी नातेसंबंधासाठी दोघांनाही काळजी घ्यावी लागेल की नाराजी जास्त काळ टिकणार नाही. तुमचे वाद लवकर आणि रचनात्मकपणे सोडवा. असे केल्याने नाते अधिक घट्ट होते.
चाणक्यांनी पती-पत्नीमधील स्पष्ट आणि पारदर्शक संवादाचे महत्त्व सांगितले आहे. जोडप्यांना त्यांचे विचार, भावना आणि चिंता यावर नियमितपणे चर्चा करण्याचा सल्ला चाणक्यांनी दिला आहे.
अनेक वेळा जोडप्यांमध्ये पैसा आणि खर्च या मुद्द्यावरून वाद होतो. अशातच चाणक्यांनी लग्नात आर्थिक व्यवस्थापनाचे महत्त्व सांगितले आहे. आर्थिक स्थैर्य सुनिश्चित करण्यासाठी आणि वाद कमी करण्यासाठी त्यांनी जोडप्यांना बजेट, बचत आणि गुंतवणुकीबाबत एकत्र निर्णय घेण्याचा सल्ला दिला. त्यामुळे त्यांचे नाते दीर्घकाळ टिकते.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.