Horoscope Today : श्रावण महिन्याचा पहिला सोमवार तुमच्या राशीसाठी काय घेऊन आलाय? वाचा आजचे राशीभविष्य

आजचे पंचांग - दिनांक ५ ऑगस्ट २०२४

श्रावण शुक्लपक्ष. श्रावण मासारंभ. शिवमुष्टि तांदूळ. तिथी - प्रतिपदा १८|०४ पर्यंत रास - कर्क १५|२२ नं सिंह. नक्षत्र - आश्लेषा. योग-व्यतीपात. करण - बव. दिनविशेष - ११ नं. चांगला

मेष : संबंध प्रस्थापित होतील

करिअरसाठी दिवस जरा धावपळीचा राहील. नवीन मिटिंग होतील. नवीन संधी व संबंध प्रस्थापित होतील. त्यापासून पुढील कामाचा मार्ग सुकर होईल. मैत्रीपूर्ण रिलेशन व्यवसायामध्ये योग्य ठरतील.

वृषभ : आजचा दिवस चांगला

जुनी गुंतवणुक फायदेशीर ठरेल. पैशाची निगडित व्यवहार करणार असाल तर आजचा दिवस चांगला आहे. नातेवाईकांबरोबर चांगले संबंध राहतील.

मिथुन : स्वप्न वृद्धिंगत होतील

परदेशगमनाची आज आखणी कराल .नवीन स्वप्न रंगवाल. स्वप्न वृद्धिंगत होतील. काही अडथळे येतील पण त्या दूर सारावे लागतील. सकारात्मकता ठेवावी लागेल तर दिवस बरा जाईल.

कर्क : सकारात्मकता वाढेल

इतरांवर प्रेमाचा वर्षाव कराल. त्यामधूनच आपल्याला आनंद मिळेल. काही गोष्टी फायद्याच्या ठरतील असे व्यवहार होतील. सकारात्मकता वाढेल. आरोग्य चांगले राहील.

सिंह : पैशाचा खर्च वाढेल

आपली उदारता आज जरा सिमित ठेवलं तरच बरे राहील. पैशाचा खर्च वाढेल. जाण्यापेक्षा येण्याचा विचार अधिक करा. पैशाची गुंतवणूक आज फायदेशीर ठरेल.

कन्या : विष्णू उपासना करा

"प्रेमाने जग जिंकता येतं" हे आज जाणवेल. खंबीरपणे काही पावले उचला आणि ते फायदेशीर ठरतील. छोटे प्रवास घडतील. विष्णू उपासना करा.

तूळ : धार्मिक कार्य घडेल

श्रावणी सोमवार आहे घरामध्ये धार्मिक कार्य घडेल. त्यामध्ये आपण आनंदाने सहभाग घ्याल .घरचे वातावरण हसरे खेळते राहील. नवीन निर्णयाचे स्वागत करा.

वृश्चिक : शिव उपासना फायद्याची

शिव उपासना फायद्याची ठरणार आहे तांदुळाची शिवामूठ देवाला वाहिलेल्या मनोकामना पूर्ण होतील. शेअर आणि लॉटरी मधील गुंतवणूक पूर्णत्वास जाईल. प्रेमासाठी सकारात्मकता घेऊन आलेला आजचा दिवस आहे.

धनु : आजोळी संबंध दृढ होतील

आजोळी संबंध दृढ होतील. मामा बरोबर काही व्यवहार होतील. पण आपलं कोण आणि परक कोण हे आज ओळखण्याचा दिवस आहे. "चोरावर मोर होऊन राहावे लागेल".

मकर : कामात यश मिळेल

कोर्टकचेरीच्या कामात यश मिळेल. नको त्या लोकांची लुडबुड आयुष्यात आज खपवून घेऊ नका. काही गोष्टी स्पष्ट बोलल्या तर हिताच्या ठरतील. प्रवास घडतील.

कुंभ : शिवउपासना करावी

कारण आणि विनाकारण काळजी ग्रासेल. गूढ गोष्टींविषयी आवड निर्माण होईल. मृत्यू भय दाटून येईल. शिवउपासना करावी फायदा होईल.

मीन : विशेष उपासना करावी

देवळामध्ये तांदूळ आणि बेल ठेवून विशेष उपासना करावी. दिवस चांगला राहील. पुढील भाग्यकारात घटनांसाठी ही उत्तम संधी असणार आहे. मंदिरातली सकारात्मकता आपल्याकडे येईल.