Horoscope Today : अडचणींचा डोंगर उपसावा लागणार, तर काहींना मिळणार जुने प्रेम; वाचा आजचे राशीभविष्य

रविवार,१६ फेब्रुवारी २०२५,माघ कृष्णपक्ष,संकष्ट चतुर्थी.

तिथी- चतुर्थी २६|१६

रास- कन्या

नक्षत्र- हस्त

योग- धृति

करण- बवकरण

दिनविशेष- उत्तम दिवस

मेष - ठरलेल्या कामात अडचणी येण्याचा आजचा दिवस आहे. नोकरी व्यवसायामध्ये त्रास, पोटाची दुखणी कटकटीची ठरतील. दिवस संमिश्र आहे.

वृषभ - आज संकष्टी चतुर्थी आहे. गणेश उपासना विशेष फलदायी ठरेल. ठरवलेल्या गोष्टी सुनियोजित आणि योग्य क्रमाने होतील. लॉटरी, शेअर्स आणि रेस मध्ये धनलाभाची शक्यता आहे.

मिथुन - घराचे व्यवहार पार पडतील. गाई, गुरे यांच्या खरेदी विक्रीतून फायदा होईल. शेतीशी निगडित कामे सहज होतील. आयात - निर्यातीचा विचार करत असाल तर त्या बैठका आज पार पडतील.

कर्क - छोट्या प्रवासाच्या दृष्टीने दिवस चांगला दिसतो आहे. यामधून नवीन कामाच्या नव्या वाटा रुजू होतील. भावंडांचे सौख्य चांगले राहील. प्रगतीचे योग आहेत.

सिंह - वडिलोपार्जित धन याविषयी काही गोष्टी रखडलेल्या असतील तर आज मार्गी लागतील. कौटुंबिक एखाद्या सोहळ्यामध्ये सहभागी व्हाल. आपला आब राखून राहण्याचे आज योग आहे.

कन्या - आपला आत्मविश्वास आणि महत्त्वकांक्षा वाढती राहील. सकारात्मक दृष्टिकोनाने आपले व्यक्तिमत्व बहरलेले राहील. बुद्धीचातुर्यावर समोरच्याला सहज जिंकाल.

तूळ - व्यापाराचे नवीन प्रस्ताव येतील. पण त्याचबरोबर खर्चाला नवीन वाटाही फुटतील. अनावश्यक खर्च टाळा. अध्यात्माची कास धरा.

वृश्चिक - सुना मुलांचे प्रेम लाभेल. जुने संबंध मैत्रीमध्ये नवीन नाते संबंध प्रस्थापित होतील. धनलाभाच्या दृष्टीने दिवस चांगला आहे.

धनु - कामाचे क्षेत्र व्यापक राहील. घेतलेले निर्णय अचूक ठरतील. प्रवास वाढतील. धावपळीचा असा आजचा दिवस आहे.vva

मकर - संकष्टीचा दिवस आहे. आज गणेश उपासना आणि शिव उपासना एकत्रितरित्या केल्यास भाग्यकारक घटना घडतील. यशाला हुलकावणी देणारे प्रसंग आज संपुष्टात येतील. दिवस चांगला आहे.

कुंभ - अडचणींचा डोंगर उपसावा लागेल. शारीरिक कष्ट वाढतील. जोडीदारापासून धन मिळणे आज अपेक्षित आहे. दिवस बरा आहे.

मीन - कोर्टाशी निगडित गोष्टी आज पार पडतील. निकाल आपल्या बाजूने लागतील. वादविवादा मध्ये आपला पुढाकार राहील. जिंकण्याचा आलेख उंचावेल.