Horoscope: आरोग्य सांभाळा! ४ राशींच्या अडचणीत वाढ होण्याची शक्यता, जाणून घ्या कसा असेल शुक्रवारचा दिवस

शुक्रवार,२२ ऑगस्ट २०२५,श्रावण कृष्णपक्ष,दर्श पिठोरी अमावस्या(पोळा).

तिथी-चतुर्दशी ११|५६

नक्षत्र- आश्लेषा

योग- वरीयान

करण-शकुनी

दिनविशेष- चतुर्दशीवर्ज्य

मेष - मातृसौखाच्या दृष्टीने दिवस चांगला आहे. व्यवसायामध्ये प्रसिद्धी प्रगती होण्याचे योग आहेत. प्रॉपर्टीशी निगडित व्यवहार पार पडतील.

वृषभ - महत्वाचे पत्र व्यवहार मार्गी लागणार आहेत. भावंडसौख्याच्या दृष्टीने दिवस चांगला आहे. प्रेमामधून लाभ होतील. पराक्रम उत्तम होईल.

मिथुन - जोडीदाराच्या तब्येतीची आज काळजी घ्यावी लागेल. इतरांच्या सल्ल्याने चालावे लागेल. कुटुंबीयांबरोबर वेळ व्यतीत कराल पण निर्णय घेताना एकट्यानेच घ्यावे लागतील.

कर्क - मनस्वी दिवस जगण्याचा आजचा आपला मानस आहे. त्याला कोणी तुम्हाला मागे ओढू शकत नाही. प्रेमाने ओतप्रोत भरलेली आपली रास आहे. घरी आलेल्या पाहुण्यांचा आदरातिथ्यमध्ये मन रमेल. दिवस चांगला आहे.

सिंह - सरकारी कामामध्ये व्यत्यय आणि अडथळा दिसतो आहे. महत्त्वाचे कामे दुपारनंतर केलेली बरी. बेहिशोबी कारभार आजचा राहील. मनस्वास्थ्य बिघडेल. भगवंताची उपासना करावी.

कन्या - प्रेमामध्ये थोडी वादावादी होण्याची शक्यता आहे. जवळच्या व्यक्तींच्या संपर्कामुळे समझोता घडेल. मित्र-मैत्रिणींचे वलय दाट होईल. दिवस उत्तम आहे. धनयोग येतील.

तूळ - "सोबतीचा करार" असा काहीसा आजचा दिवस आहे. आपल्या सहकाऱ्यांमुळे कामाच्या बाबतीत उंची गाठाल. सामाजिक क्षेत्रामध्ये प्रगती होईल. आपली समाजात पत वाढेल.

वृश्चिक - कुलस्वामिनीची उपासना करावी. सहज सोप्या गोष्टी घडणारा आजचा दिवस आहे. संतती आणि नातवंडे यांच्याकडून सुवार्ता मिळतील. दिवस आनंदी घालवाल.

धनु - अडथळ्यांची शर्यत पार करणे हे आज साठी ठरलेलेच आहे हे मनाशी ठरवूनच बाहेर पडा. म्हणजे तक्रार राहणार नाही.काही वेळेला निर्णय न घेता येणं अशा गोष्टी होऊ शकतात. पण दिवसाच्या अखेरीस कामे सुरळीत होतील.

मकर - चिकाटीने आणि चिवटपणे यश खेचून आणाल. कोर्टाच्या कामांमध्ये सुद्धा यश मिळणारा दिवस आहे. संततीकडून अशा काही घटना येतील की ज्यामुळे ऊर भरून येईल.

कुंभ - तब्येत जपावी. गुडघेदुखी सांध्याचे आजार किंवा जुनी दुखणी डोके वर काढतील. नको त्या गोष्टीत वेळ खर्च झाल्याचा आज पश्चाताप होईल. शक्तीने नाही तर युक्तीने आज कामे करा.

मीन - दत्तगुरूंची उपासना करावी. शेअर्स लॉटरीमध्ये फायदा संभावतो आहे. गुंतवणुकीसाठी दिवस उत्तम आहे. कलाकारांना अनेक नव्याने संधी येतील. ज्याचे तुम्ही सोने करणार आहात. दिवस सुलभ आहे.