Rashi Bhavishya : आजचे राशिभविष्य, मेषसह ५ राशींच्या लोकांसाठी महिन्याचा पहिला दिवस खास; तुमची रास?

दैनिक पंचांग - दिनांक १ मे २०२४

वार - बुधवार, मास - चैत्र, पक्ष - कृष्ण.

तिथी - अष्टमी (२९१०२) योग - शुभ.

करण - बालव, रास - मकर, नक्षत्र - श्रवण.

शुभाशुभ दिवस - उत्तम दिवस.

मेष : कामाचे चीज होणारच

आजचा दिवस आपल्यासाठी व्यावसायिक दृष्ट्या चांगला ठरणार आहे. कामात केलेल्या कामाचे चीज होणारच. पण विशेष प्रोत्साहन मिळून प्रगतीच्या दिशेने वाटचाल आहे.

वृषभ: विशेष समाधान असेल

मनाप्रमाणे देवधर्म घडेल. प्रवासात काहीतरी त्रास झाला तरी मनासारखे काहीतरी साध्य झाले आहे, याचे विशेष समाधान असेल.

मिथुन: एकापेक्षा अनेक गोष्टी करणे टाळा

आपल्या स्वभाप्रमाणे उगाच एकापेक्षा अनेक गोष्टी करणे आज टाळा, नाहीतर उगाच एक ना धड भाराभर चिंध्या अशी अवस्था होऊन उद्विग्नता वाट्यास येईल.

कर्क: मनासारख्या घटना घडतील

खरेतर खूप अपेक्षा न ठेवता समाधानी असणारी रास. पण आज मात्र जोडीदाराकडून प्रेमाने मनासारख्या घटना घडतील. व्यवसायात भागीदार समजून घेईल.

सिंह: आपल्याच धुंदीत राहाल

हाथी चले बाजार कुत्ते भौंके हजार असा आजचा दिवस. आपल्याच धुंदीत राहाल. त्यामुळे अकल्याण चितणाऱ्यांचे डोळे विस्फारले शिवाय राहणार नाही.

कन्या: थोडी धावपळ वाढेल

थोडी धावपळ वाढेल. अभ्यासावर, कला कुसर यावर विशेष लक्ष द्या. मनासारखे होण्यासाठी परिश्रम घ्यावे लागतील.

तुळ: घरी नव्या पाहुण्याची सरबराई राहील

घरी नव्या पाहुण्याची सरबराई राहील. सुखाच्या शोधात असणारी आपली रास. कुणी निंदा वा वंदा काम सुरू ठेवणार हे नक्की.

वृश्चिक: विजय आपला हे नक्की

बोलून गार शत्रू ठार असाच दिवस. मनात साचलेल्या गोष्टी सहजगत्या दुसऱ्याच्या गळी उतरवणार. विजय आपला हे नक्की.

धनू: कुठे साक्षीदार राहू नका

पैशांच्या बाबतीत सावध राहा. कुठे साक्षीदार राहू नका. आवक-जावक हाच आजचा अजेंडा आहे. म्हणा ना.

मकर: आनंदात भर पाडणारा दिवस

आनंदात भर पाडणारा दिवस. खरेतर खूप EXPress न करता शांतपणे दिवसाचा आनंद घ्याल. सरते शेवटी सौख्याचा समास लाभणार नक्की.

कुंभ: खर्चावर अंकुश ठेवा

विनाकारण चिंता, विचार यांनी मन सैरभैर राहील. म्हणून हे करणं टाळा. शिव उपासना मन स्थिर ठेवेल. खर्चावर अंकुश ठेवा.

मीन: इच्छांना सोनेरी पंख येतील

इच्छांना सोनेरी पंख येतील, जे सत्यात उतरतील. शेजारी सख्य राहील. मेजवानीचे योग आहेत.